蘭茜

獎門人|蘭茜臨危受命做「一次性」獎門人 曾志偉確診肺炎復工無期

最新娛聞

廣告

「獎門人」曾志偉因為確診而缺席8月23日《開心無敵獎門人》嘅錄影、24日更因為颱風而停廠一天,難怪有說過存貨告急,不過每集嘉賓陣容依然充滿懷舊氣息唔輸蝕,更在獎門人缺席情況下,招來有傳「回巢做高層」的蘭茜現身,企C位做「一次性」獎門人!

蘭茜 獎門人 曾志偉 蘭茜箍牙後無咗一棚標記哨牙﹗暫代獎門人甚有台型!
蘭茜箍牙後無咗一棚標記哨牙﹗暫代獎門人甚有台型!(圖片來源:TVB影片截圖)

8月23日錄影的獎門人欠缺曾志偉做主持難免稍欠氣氛,不過呢集就有「七魔女」梁靖琪、文頌嫻、湯盈盈、周家蔚5位成員組隊做嘉賓,另一方面對賽的就有啱啱拍完《美麗戰場》嘅何遠東、鄭俊弘、方力申、吳家樂同埋黃建東,佢哋仲自稱做「五魔掌」同一班女士對抗。

蘭茜 獎門人 曾志偉 何遠東、鄭俊弘、方力申、吳家樂同埋黃建東自稱做「五魔掌」。
何遠東、鄭俊弘、方力申、吳家樂同埋黃建東自稱做「五魔掌」。(圖片來源:TVB影片截圖)

蘭茜闊別廿年再出現 疫情下會唔會刨西瓜?

過往都成日出現喺節目嘅前輩獎老蘭茜出現,被稱為暫代「一次性用完即棄」嘅職務咁話。而 阮兆祥、錢嘉樂同麥美恩幾位長老,就話開拍前有同志偉傾過電話,叫佢唔使擔心。

蘭茜 獎門人 曾志偉 麥美恩對前輩及「疑似高層」十分恭敬!
麥美恩對前輩及「疑似高層」十分恭敬!(圖片來源:TVB影片截圖)
蘭茜 獎門人 曾志偉 蘭茜企C位!
蘭茜企C位!(圖片來源:TVB影片截圖)

蘭茜刨西瓜最經典

蘭茜以刨西瓜絕技一鳴驚人,除了成為《獎門人》其中要員,又拍過不少電影,2006年蘭茜淡出娛樂圈後生活行蹤神秘,有報道指蘭茜離開娛樂圈後嫁人並居於跑馬地樂活道豪宅,被指嫁到有米老公Johnny後生活富泰﹗

蘭茜 獎門人 曾志偉 蘭茜一棚哨牙成為她的標記﹗
蘭茜一棚哨牙成為她的標記﹗(圖片來源:TVB影片截圖)
蘭茜 獎門人 曾志偉 蘭茜表演刨西瓜絕技,呢個畫面相當經典﹗
蘭茜表演刨西瓜絕技,呢個畫面相當經典﹗(圖片來源:TVB影片截圖)

佘詩曼無影 「七魔女」欠兩人

雖然「七魔女」爭佘詩曼 同姚樂怡唔齊人,不過魔女們就一樣信心十足,仲似乎要出動盈盈控制主持之一的嘉樂,佢哋仲講返當年好多經典遊戲,都想有機會試玩。

蘭茜 獎門人 曾志偉 「七魔女」欠佘詩曼及姚樂怡唔齊人,但仍自備紙面具勉強頂替,卻慘被摸胸。
「七魔女」欠佘詩曼及姚樂怡唔齊人,但仍自備紙面具勉強頂替,卻慘被摸胸。(圖片來源:TVB影片截圖)
蘭茜 獎門人 曾志偉 「錢妻」湯盈盈與一班姐妹從來都係獎門人節目常客!
「錢妻」湯盈盈與一班姐妹從來都係獎門人節目常客!(圖片來源:TVB影片截圖)

吳家樂原來都係獎門人 「資深嘉賓」

至於幾位男士就似乎冇有怕,因為佢哋有吳家樂呢位參與過34次獎門人嘅「資深參加者」,方力申仲話,因為獎門人失場,所以「一定唔會有打和」,爭勝信心十足。

蘭茜曾被傳獲曾志偉重金禮聘 被目擊掛員工證出入公司

當年在獎門人搞笑成名的蘭茜(真名簡詠嫻),去年曾在ViuTV劇集《940920》驚喜現身,被指為復出鋪路。早在她客串獎門人節目之前,有目擊者看到蘭茜掛上員工證出入無綫行政大樓,低調返工,據知蘭茜是由總經理曾志偉親自聘請,雖然職位保密,但一定是身居要職,絕不會返去表演刨西瓜。

蘭茜 獎門人 曾志偉 蘭茜 今時今日的蘭茜,已不是當年的西瓜刨。
今時今日的蘭茜,已不是當年的西瓜刨。(圖片來源:IG@vanijerjer)
蘭茜 獎門人 曾志偉 蘭茜 曾志偉為整頓無綫近年四出招兵買馬,終於說服蘭茜復出。
曾志偉為整頓無綫過去一年四出招兵買馬,終於說服蘭茜復出。(圖片來源:東方新地資料庫)

蘭茜自爆:我未結過婚

蘭茜(簡詠嫻)退出娛樂多年,近年轉型做藝家開過書畫展,又曾亮相客串ViuTV劇集《940920》,鮮少現身幕前的她近日接拍廣告,受訪期間她首度開腔,回應多年來嫁給圈外富商的傳聞:「多謝大家對我祝福,其實我係未結過婚嘅!一個人精彩生活,我覺得非常之享受!」當被問到為何一直都沒有回應與富豪結婚的傳聞時,她說:「唔係事實嘅嘢,我覺得唔需要去澄清。」被問到現時是否對愛情有準備?她說:「我覺得一個人的精彩,活出更優秀的自己最重要。」

獎門人 蘭茜 蘭茜日前拍攝資告,受訪期間自爆未結過婚,被問到為何多年來沒有回應,她表示不是事實的事情不需澄清。
蘭茜日前拍攝資告,受訪期間自爆未結過婚,被問到為何多年來沒有回應,她表示不是事實的事情不需澄清。(圖片來源:ig@sai_volution)

蘭茜轉型做藝行家拍廣告露兩手

蘭茜轉型做藝術家有別以往的搞笑歡欣的形象,廣告中她露兩手寫書法及示範茶道手藝。久未現身幕前的她表示心情難免緊張,但看見團隊的專業,令她很快已經適應鏡頭,她說:「初頭我會有啲緊張,但係原來埋返位又覺得OK喎!呢個團隊每一個人都好專業,好放心,所以我一埋位,咦,嗰種感覺返番嚟!團隊俾我個感覺係好認真。由籌備到正式拍攝開心又放心!」

獎門人 蘭茜 蘭茜轉型做藝術家,在廣告中露兩手寫書法。
蘭茜轉型做藝術家,在廣告中露兩手寫書法。(圖片來源:ig@sai_volution)

蘭茜變靚因為「加工」?

蘭茜回歸幕前而且變靚,當被問到是否加工時,她笑說:「一定要多謝我的牙醫,另外我覺得大家內心美麗,所以睇到我依家靚咗!以前嘅我,其實都係我,不過當時年紀輕又鍾意玩,係嗰陣時用嗰個方法去表述自己;今日的我選擇另一種對話嘅方式,可能用文字用畫作,用書法同大家溝通,可能這樣大家比較有新鮮感!」

獎門人 蘭茜 蘭茜表示自己變靚要多謝牙醫。
蘭茜表示自己變靚要多謝牙醫。(圖片來源:大會提供)

蘭茜鋪路復出?

被問到是否準備正式全面復出?蘭茜坦言:「如果有咁嘅機會,一定會努力!我自己都想喺文化藝術方面發展,有機會做呢類型的節目主持,或者同大家一同分享成長路途的苦與樂,互相勉勵更是美事!」

獎門人 蘭茜 蘭茜表示有機會的話想復出。
蘭茜表示有機會的話想復出。(圖片來源:ig@sai_volution)

蘭茜體享受體驗人生

由去年舉行個人書畫展開始,蘭茜給人完全蛻變的感覺,她說是經歷了人生不同的階段,「其實都係每一個人成長嘅經歷,又唔係話刻意我要做啲乜嘢,我諗活到一把年紀嘅時候,你就會隨心而發,你希望可以喺人生入面,成就一啲你追求嘅嘢,我依家做緊嘅嘢,係我自己喜歡的!」蘭茜原來早在2008年,蘭茜已取得中文大學人類學碩士學位,及後在2015年取得香港大學輔導課程碩士學位,現時生活多姿多彩。她表示修讀輔導課程後有所轉變:「以前做節目,好多時要不停咁講嘢,我通過呢一個輔導科目,我學識咗聆聽!」

獎門人 蘭茜 蘭茜現時享受人生。
蘭茜現時享受人生。(圖片來源:大會提供)

蘭茜到古董舖工作做眼界大開

除了不斷求學取得碩士學位,蘭茜又提到自己曾於古董店工作,她說:「我亦做過一間古董舖,我主要做sales consultant。當中除咗古董,我接觸到好多畫,瓷器,銀器與傢俬等,每件傢俬可能有百幾年歷史,物件本身都經歷咗一個好精彩嘅生命,我喺嗰個工作環境學到好多嘢,尤其對於美感嘅訓練,我覺得都好重要;當時我嘅老闆係一位外國人,佢教咗我好多嘢,仲有一位香港本地、做咗呢一個行業好多年嘅專業人士,教我點樣去睇一啲舊物古董,同事之間亦師亦友,非常融洽。」

蘭茜棚牙靚晒

蘭茜一棚哨牙曾經成為她的標記,當年在《獎門人》表演刨西瓜絕技更令觀眾非常難忘,事隔多年,蘭茜棚牙同個樣都靚晒,轉身一變成為知性才女,去年11 月舉行個人書畫展,周身墨水絕對今時唔同往日。

蘭茜 獎門人 曾志偉 蘭茜 蘭茜與商台DJ雲妮是多年老友,由近年的照片可見,已年過半百的蘭茜保養得宜,愈來愈靚。
蘭茜與商台DJ雲妮是多年老友,由近年的照片可見,已年過半百的蘭茜保養得宜,愈來愈靚。(圖片來源:IG@vanijerjer)
蘭茜 獎門人 曾志偉 蘭茜 蘭茜離開娛樂圈多年,曾重返校園不斷進修,無論內在外在都大翻身,昔日的醜女諧角變成今日的知性才女,去年11月舉行書畫展。
蘭茜離開娛樂圈多年,曾重返校園不斷進修,無論內在外在都大翻身,昔日的醜女諧角變成今日的知性才女,去年11月舉行書畫展。(圖片來源:IG@sai_volution)
蘭茜 獎門人 曾志偉 蘭茜 蘭茜與好友劉曉彤不時見面。
蘭茜與好友劉曉彤不時見面。(圖片來源:IG@dumbelle323)

《940920》蘭茜演「余家聰」姨媽

蘭茜夫人在《940920》現身,令大家充滿驚喜,有網民對蘭茜竟然同簡慕華演兩姊妹,留言指:「呢個設定好特別」﹗簡慕華飾演余家聰母親,和蘭茜飾的余淑敏演一對姊妹﹗據導演羅嘉駿透露,早在構思選角時,ViuTV的製作部副總裁金廣成就大力推介蘭茜客串,導演爆料指原來蘭茜「本身都想出返嚟拍嘢」,傾談下來對今次演出也十分配合,一改以前搞笑戲路,雙方也十分滿遂。

蘭茜 獎門人 曾志偉 蘭茜 網民對蘭茜出現劇集都感到好驚喜﹗
網民對蘭茜出現劇集都感到好驚喜﹗(圖片來源:《940920》截圖)
蘭茜 獎門人 曾志偉 蘭茜 網民讚蘭茜比以前貴氣,又驚訝其一棚哨牙變靚咗﹗
網民讚蘭茜比以前貴氣,又驚訝其一棚哨牙變靚咗﹗(圖片來源:《940920》截圖)

蘭茜致辭:人生有著好多起伏,我也經歷好多

蘭茜習畫及書法廿年,去年在尖沙嘴文化中心舉行個人書畫展,蘭茜身穿一身白長裙,氣質跟外貌都跟以前很不同,蘭茜致辭時表示回看過去自己的作品時,感受每一幅作品都有靈魂,一度感觸哽咽話:「人生有著好多起伏,近幾年自己也經歷好多,睇番啲作品先諗番當時嘅心情,近幾年我遇到嘅人和事,都令我好大感觸。」 雖然蘭茜已淡出廣播界及娛樂圈多年,但一眾圈中好友包括嫁人退出的劉曉彤、葛民輝、谷德昭、吳家樂、陳奐仁、鄧兆尊、阮小儀等前來支持,場面相當熱鬧﹗

蘭茜 獎門人 曾志偉 蘭茜
(圖片來源:IG@kittyyuen)

小儀自揭是蘭茜中學師妹

小儀與一眾商台同事前往撐蘭茜,小儀留言話「當年嘅蘭茜,現化身書畫家茜茜。係叻嘅,係感動嘅。」其後小儀指同蘭茜除了是舊同事之外,原來對方是其師姐「靜雞雞話畀你知吖,蘭茜係我中學師姐嚟㗎!所以今日喺佢個書畫展入面,可以畀機會我同一班師姐們合照,Yeah~~~~~」

蘭茜 獎門人 曾志偉 小儀透露蘭茜是其中學師姐,畫展當日跟其他師姐相認並合照留念﹗
小儀透露蘭茜是其中學師姐,畫展當日跟其他師姐相認並合照留念﹗(圖片來源:IG@kittyyuen)
蘭茜 獎門人 曾志偉 蘭茜 阮小儀
阮小儀(圖片來源:IG@kittyyuen)

谷德昭親自撐場:「一口能刨下半楷大西瓜的頑皮蘭茜,選擇了用較為安靜的心態去踼人生下半場,寫寫字、畫畫畫、抄抄經變幻原是永恆,變得更加好。」

蘭茜 獎門人 曾志偉 蘭茜 谷德昭
谷德昭(圖片來源:IG@koktakchiu)
蘭茜 獎門人 曾志偉 電台舊同事葛民輝都去捧蘭茜﹗
電台舊同事葛民輝都去捧蘭茜﹗(圖片來源:IG@kansaisai921)

林柏希亦有前來欣賞,並留言「雖然我哋係電台舊同事,但印象中無一齊做過節目,只拍檔過做MC。不過,佢而家演而優則畫,係一名真正嘅藝術家,二十年嘅畫作及書法作品一次過晒冷﹗」

當奴(Donald)孖黃志淙去捧蘭茜場,並留言:「由從前帶來歡樂的娛樂家,到今天舉辦個人字畫展覽的藝術家,蘭茜就是那麼令人羨慕和尊敬的,見證她的另一個境界,今日至11月20日,文化中心4樓展覽館,茜茜個人書畫展「應無所住」,gogogo!作品很靜,作者茜茜的笑聲很響亮。」

蘭茜 獎門人 曾志偉 前DJ蘭茜神隱多年變索才女 開個人畫展眾星到賀
黃志淙及當奴(圖片來源:IG@donaldtong)
蘭茜 獎門人 曾志偉 吳家樂:「真心佩服蘭茜,二十年時間畫畫和書法•勁~真係勁!👍🏼🔥🔥。還遇到兩位舊朋友」
吳家樂:「真心佩服蘭茜,二十年時間畫畫和書法•勁~真係勁!👍🏼🔥🔥。還遇到兩位舊朋友」(圖片來源:Facebook@吳家樂)
蘭茜 獎門人 曾志偉 前DJ蘭茜神隱多年變索才女 開個人畫展眾星到賀
劉曉彤在畫展上遇到鄧兆尊及吳家樂。(圖片來源:IG@dumbelle323 )
蘭茜 獎門人 曾志偉 前DJ蘭茜神隱多年變索才女 開個人畫展眾星到賀
在畫展上,劉曉彤又遇到蝦頭劉詩敏及林偉亮﹗前藝人林偉亮09年看破紅塵,決心出家,法號為「衍偉」。(圖片來源:IG@dumbelle323 )
蘭茜 獎門人 曾志偉 前年蘭茜曾上電台節目任嘉賓,余宜發、當奴等亦有向她集郵,網民紛紛留言大讚蘭茜靚晒。
前年蘭茜曾上電台節目任嘉賓,DJ余宜發(中)亦有向她集郵,網民紛紛留言大讚蘭茜靚晒。(圖片來源:IG@andesyue)
蘭茜 獎門人 曾志偉 蘭茜後排左二)是《獎門人》要員。
蘭茜(後排左二)是《獎門人》要員。(圖片來源:新傳媒圖庫)
蘭茜 獎門人 曾志偉 蘭茜在鏡頭前主要演醜女諧角,不時扮鬼扮馬﹗
蘭茜在鏡頭前主要演醜女諧角,不時扮鬼扮馬﹗(圖片來源:新傳媒圖庫)

陳山聰曾拍攝《獎門人》後確診?該集同場仲有邊位藝人?

早前陳山聰在錄影《獎門人》後,確診了新冠肺炎,當日他與隊員們為節目第二集進行錄影⋯⋯詳見:陳山聰否認因玩遊戲中招

蘭茜結婚了嗎?

早前有報道指蘭茜嫁了一名富貴老公,家住跑馬地,而早前更曾經舉行過個人畫展…詳見:蘭茜首度公開回認秘嫁富商

圖片來源:IG@sai_volution、IG@vanijerjer、無綫影片截圖、IG@dumbelle323 、Facebook@吳家樂、東方新地資料庫