tong1

獲詩詠餵食cake 馬明:好甜呀!

「宇宙級」契哥馬國明曾直言契妹唐詩詠係好女仔,又承認好鍾意詩詠呢類斯文乖巧的女仔,可惜詩詠心繫洪永城,令馬明只能得個恨字!今日馬明同詩詠出席活動,二人齊齊即場整cup cakes,好似情侶玩煮飯仔咁,認真溫馨!而戲肉係詩詠親手餵俾馬明食cake,馬明興奮說:「好甜呀,甜到漏!」

其他文章︰

歐陽震華男一之路

獲邀飯局 阿雪︰1000萬都唔去!

合拍整cakes

二人期間夾手夾腳整cup cakes,詩詠邊發蛋邊教馬明整,睇嚟詩詠整蛋糕手勢唔錯!問到有否整過俾城城歎,詩詠說對方冇口福:「整蛋糕好難,要再練習下。」而馬明亦同樣未整過蛋糕俾女仔:「整啲小禮物就有,自己整嘢食唔叻,因為我同阿媽住,靠晒阿媽。」

啜實唔放

當詩詠餵食蛋糕時,馬明啜住個cake唔捨得吞落口,似乎想啜埋詩詠手指落口!而詩詠紅色cut out裙晒纖腰亦十分搶眼!又有錢賺又獲詩詠餵食,難怪馬明笑得特別甜!

全文完