玉木宏

「千秋王子」玉木宏下周閃婚 木南晴夏係香港先生舊愛?

現年38歲的日本型男玉木宏,日前爆出閃婚消息,與同為演員的32歲女星木南晴夏拉埋天窗!由於兩人拍拖兩年收得勁埋,所以爆出婚事即震驚整個日本娛樂圈!木南晴夏呢個名可能大家唔係咁熟,不過原來佢曾經同一位香港先生冠軍發展異地戀,兩人早年更曾經被影到喺蘭桂坊夜蒲時激烈狂咀!

撰文:東方新地|圖片:新傳媒、Instagram

「千秋王子」玉木宏下周閃婚

現年38歲的日本男星玉木宏,早年憑劇集《交響情人夢》中「千秋學長」一角爆紅,火速成為萬千少女心目中的「王子」。玉木宏多年來緋聞多多,曾跟女星加藤羅莎、島谷瞳、深田恭子及北川景子傳出緋聞,位位都係女神級!

玉木宏
日本型男玉木宏封盤!
玉木宏
《交響情人夢》中的玉木宏,當年迷倒萬千少女!
玉木宏
《交響情人夢》另一女主角「野田妹」上野樹里

玉木宏

未婚妻木南晴夏

玉木宏一直被視為鑽石王老五,不過日前爆出閃婚消息,與同為演員的32歲女星木南晴夏拉埋天窗,二人下星期二(26日)將正式登記成為夫妻!據知兩人8年前因有共同朋友而認識,至合作拍攝上年播出的劇集《女人的勳章》時正式撻着,兩人拍拖兩年間保密功夫了得,所以今次結婚消息一出令人非常震驚!

出名是可愛「吃貨」

另外,木南晴夏仲係一位有名的「吃貨」,社交網站經常都見到食物照,佢尤其愛食麵包!性格可愛又貼地,食好西時真情流露,所以能夠俘虜「千秋王子」的心?

木南晴夏係香港先生舊愛?

木南晴夏早年憑電影《20世紀少年》嶄露頭角,近年演出不少日劇及電影,而且出道多年來有過唔少圈中男友,其中一位仲係香港人,前香港先生冠軍高鈞賢!2013年時,兩人更曾被拍得在蘭桂坊夜蒲時激情攬啜,但異地戀最後無疾而終。

高鈞賢為2005年香港先生冠軍

高鈞賢與黃長興當年一齊選香港先生

高鈞賢北上發圍

近年有唔少香港藝人北望神洲,將事業重心轉移內地,發展得有聲有色,高鈞賢亦係其中之一!高鈞賢曾在TVB打拼9年,可惜事業發展平平,沒甚突破,不過近年轉戰內地後劇接劇停不了,現在已經有一定人氣!