王東泰

王俊棠26歲細仔王東泰入行 網民:男神級數!

TVB綠業王之一的王俊棠不時都在公仔箱出現,不過唔講唔知,原來棠哥細仔王東泰(James)已經入行娛圈,重點係James有齊男神特徵,高大又靚仔!

撰文:東方新地|圖片:Instagram、電視截圖

如果講起王俊棠大家可能冇咩印象,但見到個樣就一定知!拍過唔少劇集兄王俊棠係TVB嘅綠葉之一。最近,佢就喺處境劇《愛・回家之開心速遞》中飾演一位惡形惡相嘅爸爸!

王東泰

王東泰

不過,今次就唔係同大家講王俊棠,而係想講佢嘅囝囝!今年63歲嘅王俊棠有兩個仔,大仔王子銘係個攝影師,至於26歲細仔王東泰(James)原來已經加入咗娛樂圈做藝人!

 

原來當年James係由爸爸介紹下入行,2010年喺TVB第24期藝員訓練班畢業,之後加入TVB!

不過,2015年時James就同TVB結咗部頭合約,之後只係間唔時喺TVB用特約演員身份拍劇,所以佢都客串過幾多電視劇。

身高達190cm嘅James外表英俊,唔少TVB嘅監製都覺得James夠高大靚仔,所以都鐘意搵佢客串角色。不過,就算James唔拍劇都有接模特兒嘅工作,所以都叫多一個方向發展。

另一方面,James原來鐘意玩cosplay,平日喺個人社交網都會不時上載自己cosplay嘅相,據知James喺Cosplay圈都儲落有唔少人氣!至於棠哥對於細仔嘅生活都好開通,曾表示只要呀仔嗜好係健康嘅都會支持。

另外,棠哥就曾透露從來冇諗過要個仔養返佢,仲話自己唔係冇能力照顧自己,仲表示想呀仔返內地發展。對此,James就話自己好幸福,雖然爸爸想佢返內地發展,但James就反而想向模特兒界發展,唔知係咪代表想留喺香港呢?

關鍵詞
王俊棠