王敏奕

王敏奕 絕種好女兒 14歲開始幫補家計

由細到大,王敏奕同媽咪細佬都好好感情,即使近年同男友曾國祥一同生活,王敏奕一有時間都會返漁灣村探家人,日前,王敏奕親自駕車載細佬去學游水,細佬學游水前,更一家三口去行超市。

撰文:東方新地|圖片:新傳媒圖片庫、王敏奕IG

王敏奕 姊弟情深

王敏奕是家中長女,同家人感情要好,自小就賺錢養家兼照顧兩個細佬,跟同母異父的細佬更經常糖黐豆,當日所見,細佬全程黐住家姐,落扶手電梯都攞住本書黐住家姐問功課,王敏奕更細心解答細佬每個問題,王媽媽就在後邊拍低姊弟情深的相處畫面。

王敏奕

王敏奕

送咗細佬去學游水,王敏奕同媽咪去灣仔撐枱腳,兩小時後母女再一齊去接細佬。細佬一見家姐就埋去錫錫,姊弟感情極好。

王敏奕

之後王敏奕親自駕車載媽咪及細佬返回柴灣公屋寓所。

王敏奕

送完家人返屋企,王敏奕才揸車返回同曾國祥同居的貝沙灣愛巢。

王敏奕

王敏奕對媽媽非常孝順,5月31日是王母生日,她帶媽咪去灣仔吃日本料理慶生,吃完生日飯再揸車送媽咪返漁灣村,更將吻賀媽咪的照片放上社交網分享。

王敏奕

媽媽👩🏻生日快樂🎊 要幸福喔 😆❤️
V E N U S ♡(@wongmanyik)分享的貼文 於 張貼

V E N U S ♡(@wongmanyik)分享的貼文 張貼

💓 two babies
V E N U S ♡(@wongmanyik)分享的貼文 於 張貼

14歲開始幫補家計

王敏奕自小與家人住在柴灣公屋,與曾國祥拍拖後一直同居。之前本刊記者曾拍得王敏奕在柴灣公屋出入,幫手湊尚在讀小學的細佬及幫母親去超市入貨。話說王敏奕身為家中長女,14歲就開始搵錢幫補家計,照顧同母異父的細佬。近年佢搵錢多了,家人生活有所改善,去年亦有請母親及細佬去日本旅行,係圈中出名的孝順女。

王敏奕同細佬的感情十分好!
王敏奕一家四口

王敏奕脫貧 演最索女飛虎

TVB播出與邵氏及優酷合拍的《飛虎之潛行極戰》,演員陣容鼎盛,包括有苗僑偉、黃宗澤、吳卓羲、張兆輝及王敏德多位猛男主演,而王敏奕就係飛虎隊唯一一個女隊員。今次王敏奕放下一貫斯文靚女的形象,親身上陣拍攝大量動作場面,叻女!

王敏奕

王敏奕

王敏奕
劇中王敏奕同黃宗澤係一對戀人。
王敏奕
仲有個飛虎爸爸王敏德!

王敏奕 中學做model入行

原來王敏奕中學時已開始入行:「如果part time影相開始計係15、16歲時 (其實係06年14歲時),中間返學都有停吓。之後發展都順利,同埋每年都好似有啲新嘅嘗試、挑戰,由初初part time影相到後來有機會拍電影,拍完之後覺得好開心、好鍾意,我就諗不如試吓用呢個做自己職業,一路用咁嘅心態行,我一路用一個積極準備自己、然後順其自然嘅心態,同埋演員始終比較被動,好多嘢冇得強迫或者強求,只可以不斷備戰,希望機會嚟可以把握到。」

王敏奕
期唔期望同男友曾國祥再合作拍電影?王敏奕表示順其自然:「我識佢之前,睇《飛虎出征》、《機動部隊-絕路》,真係覺得佢係好好嘅演員。

問到入行以嚟,有冇唔開心或者遇到挫折嘅時候?王敏奕答:「當然有,因為演員係好被動,成日喺度等畀人揀嚟用,我同其他演員朋友傾偈分享,大家都有共同問題,就係今次casting冇揀我,係咪因為我唔好呢?但慢慢會學識發現每個角色都有適合嘅人,今次冇揀你唔代表你唔好,只不過你未係最適合嗰個角色嘅人,心理要不斷去調節,好彩我身邊有一班好姊妹,大家都係做演員,大家都明,會互相去扶持。」

王敏奕
王敏奕曾跟男友曾國祥合拍廣告,不抗拒情侶檔工作:「都冇乜所謂,都開心嘅,唔好話男朋友,甚至乎同好朋友做嘢都會特別開心,工作嘅時候,有個熟嘅人喺隔籬,都會覺得特別enjoy、開心。」

試過戶口冇錢

搵唔搵到食?夠唔夠自給自足?王敏奕表示:「自給自足係冇問題嘅,當然有辛苦嘅時候,演戲唔係成日都有得演,同埋演員一開頭都未必搵好多錢,都試過朋友約出街食飯,連搭車出去嗰個地方嘅錢都冇,銀行戶口要有一百蚊先攞到出嚟,但連一百蚊都冇,都有呢個時候,咪留喺屋企囉!」

王敏奕

2010年拍過講援交嘅電影《囡囡》之後,係咪都可以接受一啲大膽嘅題材?王敏奕說:「我覺得演員就係會不斷遇到一啲特別嘅戲,電影就好似dream work、fantasy,亦都可以好貼近社會現實,如果喺一套戲發生,而嗰套戲係需要你,我覺得作為一個演員,唔應該計較太多,暫時都未遇到一個要諗除唔除嘅難題。」

王敏奕
王敏奕認為若需要拍性感戲,身為導演及演員的男朋友曾國祥會能夠理解:「佢拍《七月與安生》都要求個女仔除剩個bra啦!我諗佢作為一個導演都好明白一套戲,有呢啲場口真係需要、值得去露。」

清純外表夠煞食

王敏奕今年只係26歲,擁有標緻五官,清純外表夠煞食,14歲時已經做模特兒出道,做模特兒期間拍過唔少廣告。

之後慢慢進軍幕前,近年都拍過唔少電影,不過比較為人認知的應該都係2014年《女人俱樂部》!

經典廣告記唔記得

雖然一向唔係行性感路線,不過王敏奕身材其實相當有睇頭,偶爾一露更吸引!尤其當年嗰張火紅泳衣廣告照,真係睇到小編… 好想買多幾枝!

演學生妹無得輸

唔少女藝人都演過學生妹,不過唔係人人扮得好,但王敏奕就無得輸啦!去年青春電影《初戀日記:賤男蜜擾》中上映時,王敏奕頻頻喺IG晒學生妹劇照,有啲穿起校服展示pure一面,又着體育衫Show性感長腿,張張都影到好似寫真咁,認真令人流鼻血!

少女版李麗珍

其實王敏奕早年喺《女人俱樂部》亦有好大發揮,飾演年輕版朱莉(李麗珍飾),劇中都有頻頻穿上校服,仲要係旗袍裙!無論係西裙定旗袍裙,佢都輕易駕馭到!網民都覺得佢有幾份似李麗珍,甚至比李麗珍更加適合朱莉呢個角色。

王敏奕喺08年電影《烈日當空》中演學生妹,當時只係得16歲卜卜脆,著校服超青春!
《DIVA華麗之後》入面都扮過學生妹!