王浩信傳與陳自瑤分居:聽日一次過交代

藝人王浩信近年在多套劇集都有出色表現,由去年《EU超時任務》大爆發,到今年的《不懂撒嬌的女人》和《踩過界》,人氣急升演技亦備受肯定。現實中佢同太太陳自瑤(YoYo)育有5歲寶貝女王靖喬,一直都係恩愛非常,但近日屢次傳出兩夫妻情變!有報道指王浩信每次都跟同劇女演員表現曖昩,更曾單獨一位約《踩過界》女拍檔開 VIP房打邊爐,另外亦涉及「男尊女卑」、「追番個仔」等問題,報道指王浩信己搬離屋企,與弟弟王瑋彤暫時同住!

王浩信 陳自瑤 屢傳情變

34歲的王浩信去年憑劇集《EU超時任務》中「渠頭」一角彈起,一度被網民捧成視帝大熱,人氣急升演技亦備受肯定。受無綫力捧的王浩信劇接劇,拍劇工在作日夜癲倒,再加上大量的商業活動及宣傳活動,搞到成年都冇放過假。忙於工作,難免冷落家人,YoYo曾大呻老公很少回家瞓覺,兩公婆聚少離多;而在社交網站中,王浩信確實在社交平台甚少發放兩夫妻合照,對上一次已經是一年半前的事,而YoYo亦多是post單人相,唔通真係有啲問題?

王浩信溫馨湊女

王浩信雖然忙爆,但早前難得有一日假,兩父女去到將軍澳寓所附近的公園做運動!當日太陽曬正頭頂,女兒QQ大汗淋漓盡,幸好有個體貼爸爸左手拎毛巾、右手拎水樽,一停低就埋身抹汗餵水。踩咗個幾小時單車,兩父女手拖手步行返家,睇得出QQ好黐爸爸,二人都很珍惜共度的時光。

約《踩過界》女拍檔撐枱腳

高大靚仔不在話下,暖男形象更是加晒分,向來極有異性緣的王浩信,每次拍劇都與同劇女拍檔表現曖昩,有報道指佢在拍完《踩過界》後,曾單獨相約劇中一位女拍檔食飯,仲開埋VIP房打邊爐。而《踩過界》兩大女角,一個係早己名花有主的李佳芯,另一個就係自出道就被封為「姣花」的蔡思貝,大家覺得會係邊個呢?

 

咁當然啦,可能有機會係千雪BB嘅……

老公異性緣大強勁,老婆YoYo當然唔好受,一直啞忍,但由於女方缺乏獨立經濟能力,故關係一直膠著。另外王浩信接受訪問時多番希望想追多個小朋友,但YoYo似乎有唔同意見,令夫妻再添磨擦。

 

盛傳已分居 明日交代

報道亦指王浩信現時已搬離日出康城寓所,與弟弟王瑋彤暫時同住在維景灣畔。對於分居一事,王浩信未有作任何正式回應,只係聽日內出席公開活動時會一次過交代。唔知係好消息還是壞消息呢?

全文完