王浩信陳自瑤8歲仙氣女QQ激罕曝光 遺傳父母超強基因表演慾強
廣告
王浩信同陳自瑤結婚九年，由高調放閃到近年近乎零互動，更屢傳婚變，不過兩人同樣極之保護女兒王靖喬（QQ），只曾在囡囡出世時晒個BB相後， QQ靚樣就相當神秘，不過，日前YoYo在社交網上載了一段囡囡短片，8歲仙氣女QQ激罕曝光，長髮大眼皮膚白晢似足媽咪陳自瑤，被網民激讚！
撰文：東方新地｜圖片：陳自瑤影片截圖
王浩信 陳自瑤護女第一
37歲王浩信與39歲陳自瑤，11年姊弟戀開花結果，不過，近年事業一帆風順的王浩信，卻屢傳婚姻現危機，跟老婆陳自瑤更近乎零互動，早前老婆生日亦蹤影全無。不過，兩人護女就十分一致，多年來都未有將女兒樣貌曝光。
王浩信女兒眼大 遺傳媽媽靚樣
日前陳自瑤卻激罕在社交網上載了8歲女兒QQ一段短片，長髮大眼的QQ勁可愛，完全遺傳了父母的超強基因，靚樣如倒模媽咪，皮膚白滑仙氣逼人，短短幾秒已經勁多表情，即時引起網民熱論。不過萌爆的QQ，唔知係咪貪玩攞咗媽咪手機自拍放上網，事關片段火速被刪走，呢次可能只係意外地向網民派福利。
