王瑋彤

29歲王瑋彤靠自己爭取演出機會 王浩信餅印細佬入行!

話說,上星期六劇集《荷里活有個大老千》大結局,結局嘅尾段講電影城變成電視台,唔知大家有冇留意到電視台司儀好似熟口熟面咁呢?其實嗰位就係王浩信嘅細佬王瑋彤(Tony)!

撰文:東方新地|圖片:電視截圖、新傳媒圖片庫、王瑋彤ig

王浩信餅印細佬入行

今年29歲嘅王瑋彤(Tony)身高6呎2,無論係高度定抑或係外表都同哥哥王浩信有8、9成相似!雖然兩兄弟都係喺美國讀大學返香港發展,王浩信讀設計,而Tony讀商科,不過明顯雙方暫時嘅星途都有啲距離。

王瑋彤

王瑋彤
兩兄弟餅印咁似!

大學畢業後嘅Tony因為唔鐘意返朝9晚5嘅工作,又見哥哥喺娛圈打滾得唔錯,於是決定把心一橫兼有樣學樣跟哥哥入娛圈一試,決定做演員。

圖像中可能有1 人

N

Tony曾參加無綫藝員訓練班,但就喺第二輪面試被淘汰。即使係咁,Tony都繼續嘗試,以model入行後,再於2016年參加香港先生,當時更被睇高一線,可惜其後因身體免疫系統出問題,最終決定退選!

當年Tony同家人商量後最終決定退選香港先生。

王瑋彤靠自己爭取演出機會

為咗唔想俾人話佢靠哥哥上位,近年Tony繼續憑自己努力獲得劇集角色,雖然只係做配角,但都唔會放過任何一個演出機會!據知,哥哥王浩信好支持細佬入行,但就決唔會出面幫細佬拉關係,因為想Tony靠自己做到成續出嚟。

N N

唔止有哥哥精神上嘅支持,王浩信仲會不時陪Tony一齊做gym操大隻,連行動上都支持細佬!雖然暫時Tony都只係做客串角色為多,但相信佢唔放棄始終都會做到成績出嚟俾大家睇嘅!

N N

同場加映:

新劇《極度怪咖》演員造型王浩信周旋七美女之間

由林志華監製的大台新劇《極度怪咖》,早前舉行記招公開演員造型,演員陣容強勁,包括王浩信、張振朗、馮盈盈、高海寧、傅嘉莉、湯怡及石修等。見到各人造型都甚有新鮮感,馮盈盈有新髮型、長髮高Ling、白髮張振朗及四眼妹湯怡等。

馮盈盈
《極度怪咖》中會有七大女角圍繞王浩信,個個有感情線,認真有豔福!

馮盈盈

馮盈盈換新髮型演淑女

最出位藝人之一的馮盈盈,今次為新劇換上新髮型,感覺好似乖女了不少!馮盈盈今次在劇中飾演一位斯文又溫柔的千金小姐,佢笑說角色同自己好貼近,可以演回自己淑女本色!大家點睇呢?

馮盈盈
大家覺得得馮盈盈個新髮型如何?

馮盈盈
馮盈盈之前已經喺IG預告過新髮型,仲問「係咪好Kawaii呢」

高Ling有床上戲

高Ling今次特別為角色駁長髮,原來係要配合劇中佢扮演女明星的百變造型,高Ling表示會同王浩信及石修哥有感情線,仲會同王浩信有場床上戲,色誘對方!

高Ling床上色誘戲?令人期待!

馮盈盈壓過高Ling?

根據無綫派發的劇集資料,見到馮盈盈的排名較高海寧「高一級」,似係榮升女一!FYY聽罷就話自己只係「女七份一」,七個女角色之一。至於排名問題,佢就話一定係因為高Ling係K字頭,而自己係F字頭。果然轉數快~

馮盈盈和高海寧首次合作拍劇。

王浩信周旋七美女之間

今次劇集湯怡亦有份參演!有新鮮感之餘,呢個四眼妹look亦非常討好~

七大女角之一的傅嘉莉。
七大女角之一的蔣家旻,今次造型幾性感喎!
男主角方面,王浩信今次周旋於七位靚女之間,認真爽!
張振朗繼《踩過界》後再與王浩信合作,今次仲染了一頭白髮!
高Ling竟然同石修哥有感情戲!

最美華姐林宣妤

今次劇集七大女角中,仲有另一位甚有新鮮感的面孔,就係2017年中華小姐亞軍林宣妤!林宣妤被譽為最美華姐之一,不過加入大台後卻未有過任何演出,而被視為TVB在2019年的最強武器!相信來年大把機會見到佢~

點解呢個角度睇,林宣妤好似有啲同湯怡撞樣?