王祖賢

王祖賢 史上最索白素

無綫播緊影帝級卡士嘅王晶網劇《冒險王衛斯理之支離人》,由余文樂、胡然演嘅衛斯理同白素,觀眾唔多buy,而歷嚟十位演過白素嘅中港台新四地女演員中,以王祖賢較為切合倪匡筆下嘅白素氣質同性格,等小編帶大家重溫一下王祖賢演繹嘅白素迷人魅力。

 

撰文:東方新地 │圖片:新傳媒圖片、tvb《冒險王衛斯理之支離人》截圖

王祖賢是史上最索白素

《冒險王衛斯理之支離人》中女主角白素由「晶女郎」胡然飾演,職業仲設定為國際刑警,不過胡然喺劇集中唔多展示到聰明絕頂同身手敏捷的一面,因為最重要的任務,當然就同歷代晶女郎一樣,就係騷身材!

王祖賢

雖然大部分時間密密實實,但其中一幕見到胡然一身白色性感睡衣,狂谷34E噴血身材,又有白滑美腿,晶女郎果然唔會令人失望!

胡然的身材非常好,同時她也是被王晶力捧的國內「晶女郎」之一,她除了參與《冒險王衛斯理》之外,其實她也參演過《賭城風雲3》,《追龍》等電影。

87年演《衛斯理傳奇》

睇完胡然,再睇睇84年出道翌年嚟港發展嘅台灣女新星王祖賢,20歲時喺電影《衛斯理傳奇》飾演白素,演繹小說中白素身材修長、長髮飄逸、武功高強、嫵媚可愛、聰慧中帶仙氣嘅氣質,成史上最索白素。

衛斯理不打不相識

科幻小說家衛斯理(許冠傑飾)答應小活佛奪回龍珠,到清幫老大白奇偉(狄龍飾)住宅尋盜珠者兼好友高大威(泰迪羅賓飾),遇戴棒球式面罩練武中嘅白素,兩人對打時衛因不知對方係女人誤施胸襲,即遭除下面罩嘅白素兜巴星,兩人不打不相識。

義助衛斯理尋龍珠

索龍珠遭拒嘅衛斯理夜闖白公館時誤入白素間房,沖緊涼嘅白覺有異著上絹質吊帶裙持搶查察,終發現衛,衛解釋後令白得知龍珠對西藏密教嘅重要性,心明大義下決助衛,假以自己為人質掩護衛同高大威離開白家。

 

 

型格裝束現身埃及

高大威同龍珠遭神秘外籍人侯活派人劫走到佢嘅埃及住所,白素遂同衛斯理立即趕去並向當地地膽響尾蛇(柯受良飾)攞料追查侯活下落,白素白恤衫加長褲,頭戴米白色帽,造型簡單又型格。

(圖4)

修女頭擔心衛斯理

王祖賢演嘅白素片中不時以唔同服裝示人,呢個好似修女頭嘅造型服飾,可愛得嚟又有種憂心忡忡嘅感覺,原來衛斯理同佢大佬白奇偉交手時跌入浮沙後生死未卜。

重現英雄本色經典

ending原來龍珠係外星人遺失嘅太空船導航器,經過一番爭奪,衛斯理、白奇偉、白素等人決定將龍珠物歸原主,令巨大太空船騰空飛起回故鄉。

經典代表電影回顧

84年處女作《今年的湖畔會很冷》

王祖賢喺電影處女作中演一個五歲溺斃,十七歲時想談戀愛而重回人間嘅女鬼,上演一段撲朔迷離人鬼戀故事,片中王祖賢長髮飄逸,那份無邪少女嘅青澀惹人憐愛。

87年《倩女幽魂》

87年《倩女幽魂》絕對係王祖賢最經典代表作,演幽怨艷麗、勾魂奪魄、柔媚中見妖氣嘅女鬼聶小倩,同張國榮演嘅靈采臣合演人鬼殊途淒美生死苦戀,成無人能超越嘅「永遠的聶小倩」。

88年《長短腳之戀》

王祖賢演天生有長短腳殘疾、個性火爆、愛戴黑粗框眼鏡、衣著外形土氣,同誤以為係自己將佢撞到殘廢嘅周潤發,合演歡喜冤家式搞笑長短脚之戀,王祖賢大眼鏡造型又萌又可愛,成一時潮流。

93年《青蛇》

王祖賢演嘅白蛇妖精白素貞完全顛覆傳統形象,善妒、活潑、調皮、反叛、好打抱不平、亦豪放亦溫柔、一顰一笑皆傾倒眾生,集妖性同人性於一身,同演狂放青蛇嘅張曼玉有好多微妙嘅姐妹同性纏綿。

93年《東方不敗之風雲再起》

《笑傲江湖Ⅱ東方不敗》續集王祖賢續演東方不敗愛妾雪千尋,為挽回東方不敗嘅心,假冒佢嘅身份,高貴冷峻、英姿颯颯指揮人馬同敵人作戰,後重遇東方不敗即改回女裝,片末注定為情而死,忠貞癡情又淒美。

01年《遊園驚夢》

王祖賢演性格複雜又分裂嘅榮蘭,鍾意反串男裝示人, 對日本女星宮澤理惠演嘅歌妓拯為迷戀同欣賞,但呢段同性情緣隨住吳彥祖嘅介入而終結,王祖賢從性愛中認清自己嘅性向,宮澤惟有黯然退出。

蒙嘉慧版白素

在小說《衛斯理》系列中,衛斯理曾形容白素身材修長,嫵媚至極,係個絕頂美女。之後在多部作品中,都突顯出白素的過人智慧、身手高超及情深義重。無綫於2003年劇集《衛斯理》中,蒙嘉慧都演過白素!

蒙嘉慧所演的白素已經係15年前。

外剛內柔

當年的蒙嘉慧樣貌標緻、身材高佻修長,同原著中白素確有幾分相似,每次一襲白衣出場都勁有仙氣,帶點cool的外表更演繹出白素的外剛內柔。不得不提的是,蒙嘉慧當年演白素時原來都已30歲,但感覺還是非常年輕!

當年無綫所拍的《衛斯理》中,故事講述羅嘉良飾演的衛斯理與白素之間的關係,兩人由冷淡到互生情愫,呢方面都算符合了原著。另外,當年有份演出的演員,仲有前排好紅的唐文龍、以及大家好熟悉的「KC」歐瑞偉。

唐文龍當年飾演白素的哥哥白奇偉。
KC好年輕呀!

好耐冇見蒙嘉慧

現年44歲的蒙嘉慧,1994年起已經開始拍電影,有著清秀可人的外表及高佻修長,大導演杜琪峯當年都對Yoyo甚為欣賞。2000年加入TVB後,佢演出唔少膾炙人口的劇集,一直穩坐無綫當家花旦之位,至2013年方離巢。

嫁伊健做幸福人妻

蒙嘉慧與鄭伊健因打羽毛球結緣,拍拖約七年後,2013年時與伊健在東京拉埋天窗,婚後Yoyo逐漸淡出幕前,專心做個幸福人妻,享受家庭生活!

蒙嘉慧近年已甚少會在公開場合亮相,不過睇番啲相其實佢都算keep得幾好,天生麗質、加上養尊處優確係寧舍不同~

舒淇都做過白素

除了蒙嘉慧,02年時,電影《衛斯理藍血人》中,舒淇都有扮演過白素,唔知大家仲有冇印象呢?

當時,舒淇所演嘅白素仲要係隸屬FBI。
電影截圖。

延伸閱讀:

重溫娛圈八大鹹豬手事件!