ft pic

王菲個唱 $16,350一張飛?

自從2010-12年舉行過19站亞洲巡唱,同埋14年在大寶法王香港祈願法會獻唱心經後,王菲終於再開金口喇!今日有消息指王菲將於12月30日在上海舉行個唱,門票會作公開發售,而29日係包場,即是話,你有錢都唔會買到飛,除非你識馬雲囉!點解要提呢位阿里巴巴創辦人?因為盛傳馬雲以1.6億投得王菲今次上海個唱的主辦權,冇睇錯,係1.6億!由於成本屬天價,基於羊毛出自羊身上呢個道理,所以就算俾你好彩買到,票價都一定唔會低。有指最平一張飛收3千,最貴要$16,350,一般打工仔都係算罷啦……

天后肯復出開金口,錢係其中一個誘因,但亦有傳係王菲想幫童童一把,所以會搵愛女做上海騷嘅暖場嘉賓,等多啲人聽下童童唱歌。其實之前童童出碟,平時cool爆嘅阿菲都有現身支持,撐女撐到底!