王麗嘉

王麗嘉反擊斥香港人太保守 出街經常被人「掃」望!

王家有女初長成,講緊嘅係王敏德同馬詩慧所生嘅23歲二女王麗嘉(Irisa)。眾所周知,一直被外界稱為擁「王家最強基因」嘅Irisa日常最愛做嘅就係晒奶,近日佢就反擊外界指佢成日騷胸,直斥啲人好似成世人未見過人有胸咁!不禁令人諗起一個問題,難道有身材就有錯?

撰文:東方新地|圖片:Instagram、新傳媒圖片庫

王麗嘉最愛晒奶

今年廿三歲嘅王麗嘉(Irisa)被外界稱為「王家最強基因」,無他嘅,皆因Irisa得父母優良DNA,擁有5尺11寸身高及標緻五官,而最令人留意嘅就緊係連老竇王敏德都多次投訴呀女太性感,經常晒嘅34D豐滿上圍啦!不過,鬼妹仔性格嘅Irisa就一於無理老竇,繼續多次晒奶!

a century ago, 100 lashes was a bad thing🤔

A post shared by @ irisashannon on

近日,Irisa接受傳媒訪問,佢指自己15歲就去咗美國讀書,讀廣告畢業,因自覺自己唔適合坐喺office,仲話人愈大就愈鐘意面對鏡頭,所以大學返港後嘗試學媽咪做模特兒及時下流行嘅KOL工作。

mom says i look like a giraffe🦒 , not mad about it tho

A post shared by @ irisashannon on

對於獲外界指自己擁「王家最強基因」,Irisa就謙虛笑指其實得個樣似爹地,其他嘢就係一個mix,又話覺得爹地幾靚仔又夠幽默,而媽咪就會寵仔女多啲。

Irisa無論係驕人嘅上圍定9頭身比例超長腿,都令唔少人非常羨慕!不過,佢就表示唔覺自己平日好性感,而且對於外界對佢衣著或身材嘅評價,佢就覺得冇咩所謂,最緊要自己鐘意同舒服就夠!

🚁tail me something i don’t know

A post shared by @ irisashannon on

王麗嘉斥香港人太保守

Irisa有咁火辣嘅身材,佢就指香港太保守,雖然自己一早就慣咗被街外人「掃」望,坦言因自己都幾高,但啲男人由佢胸口位勁近咁望,好似成世人未見過人有胸咁!

佢仲話如果香港係個太保守嘅社會,啲人應該唔好望!大概,Irisa係想大家唔好經常將注意力放咗落佢噴血嘅上圍上!

seaduction💦

A post shared by @ irisashannon on

王麗嘉想做「縮胸」手術

事實上,原來Irisa有諗過做「縮胸」手術,因認為有時著衫會唔靚,又寒背咁,但佢就指會等日後科技好啲先去做,因為唔想留條疤痕喺身上!咁大家第日咪冇嘢睇?

back in HK but phuket, gonna post more pics

A post shared by @ irisashannon on

經常漏奶嘅Irisa更指自己因上圍大過一般人,所以想設計泳衣俾啲身材比例唔似普通人嘅人著,就好似佢咁。原來Irisa係搵唔啱適合自己嘅泳衣,先會不經意咁露出半球,咁大家就體諒一下啦!

i’m pinking of you

A post shared by @ irisashannon on

據了解,Irisa依家就單身,不過佢就指自己下一個個男朋友就係佢老公嚟,所以要搵個啱嘅男仔拍拖,唔好嘥時間!23歲就咁識諗,搵唔到啱身嘅泳衣唔緊要嘅,一於搵個啱心水嘅人,希望佢早日搵到適合嘅另一半啦!

when you play hard to get and leave him on red

A post shared by @ irisashannon on

王敏德 忍唔住抗議

去年夏天,王麗嘉在IG上載美國留學生活照,坐在開篷車上由友人揸機擺出享受微風隨意pose,不過唔知係隨意過頭定身材太好買錯碼,上衣移位南半球外露,嚇到爸爸王敏德都忍唔住留言抗議:「你件上衣做乜事!」即使爸爸眼火爆有幾不滿都好,女兒一年來還變本加厲。

王敏德女
洋名Irisa的王麗嘉5呎11吋高又有34D豐滿上圍,唔理老竇王敏德多次投訴,變本加厲喺個人IG狂po性感照,愈話愈生事。
王敏德
月初Irisa滿24歲,王敏德連日上載囡囡幼兒時可愛照片祝生日快樂,潛台詞明顯係感慨女大女世界,回不去了。
王敏德
王敏德在新劇《飛虎之潛行極戰》繼續型爆登場,鏡頭前硬淨的他,對住兩個女卻無力招架。
王敏德
去年囡囡第一次露半球,王敏德遙距留言「what’s up with your top」,隔住個mon都feel到老竇極之不滿。
王敏德
要求女兒收起性感次次當耳邊風,連王敏德兩公婆好友都在Irisa個人ig留言幫口教女:「除咗啲性感相,你啲po你爸爸張張都鍾意!」

精叻老婆唔做醜人

之前,頻頻曝光為新劇《飛虎之潛行極戰》宣傳,史上最型飛虎王敏德對細女豪放作風亦自認old school睇唔慣,又話要等囡囡從美國回港放暑假時就性感議題開家庭會議。老竇護女心切,遙距留言、電召回港不果,亦求救老婆馬詩慧出面管教,可惜一代模媽Janet接受能力高過一般媽媽多多聲!

王敏德女
早前Irisa在波士頓大學畢業,馬詩慧與大女飛去觀禮,披上畢業袍的Irisa表面密實,裡面是一件黃色閃片晚裝,側漏全脂奶。

馬詩慧就表示:「老公表面係鬼佬,內裡係傳統中國人,好保守。有時會同我呻啲女太性感,叫我去話啲女,有咩就賴我,佢好精,自己唔出聲就等我做醜人。我覺得露得靚係一回事,有啲猥瑣,露得唔靚我 會第一時間叫佢唔好影,我都曾經講過唔趁依家騷,等到跌到落肚先嚟騷咩?」明顯只得王敏德孤軍作戰,反對無效。

王敏德女

王敏德女

晒開有條癮,其實23歲Irisa繼承父母高大基因外,上圍更比身材均勻馬詩慧更出眾,件件泳衣都好似唔啱身買細咗。

王敏德女
明知爸爸王敏德唔鍾意,Irisa自知有模特兒出身媽媽撐腰,長期在IG晒身材鬥性感,靚相十張有七、八張都係露南半球,仲要低抄露波底。

自細耳濡目染接觸模特兒圈、少女時代又跟住媽媽入行立志做模特兒,Irisa尺度愈嚟愈大馬詩慧照撐:「唔通等(衰老)跌到落肚先嚟騷咩?」

王敏德女

其實王敏德絕對算開明老竇,曾經支持出櫃讚大女勇敢,不過性感細女、仲有愛玩三仔都令他冇晒符:「個仔帶女仔嚟見我話唔係女朋友,但係又話會同佢拖手、接吻,搞到我好混亂。」

王敏德女

王敏德細女大騷身材

當年,王敏德兩位活潑可愛嘅女,今天已經長大成人,其中細女王麗嘉(Irisa)身形高佻之餘,身材亦非常豐滿,又鍾意喺社交網站上大晒火熱性感相!

Irisa遺傳到父母嘅優良基因,身材好到更可以話係超越常人!佢仲鍾意喺IG分享自己的生活照,見到佢平日衣著打扮都十分之索!

男友視角床照任人睇

Irisa嘅生活照上,仲夾雜咗唔少大尺度嘅相,當中就有只著住內衣嘅床照,有時啲相仲要係出自男友視角!

火辣泳衣放題

難得有一副好身材嘅Irisa就一於唔浪費自己天生嘅好body,一到炎熱嘅天氣就緊係要著番套比基尼、泳衣之類,再影番幾張相,睇住佢嘅惹火身材,真係令氣溫再升多幾度!

王敏德細女影相無限尺度

除咗泳衣相夠哂火辣之外,Irisa仲有時會不經意咗露半球,仲試過半裸上身!

其實,Irisa一身小麥色肌膚,望落啲相都係帶住健康性感美!

雖然老竇就擔心個女衣著太性感會被人睇蝕,但其實啲相都感覺正面,同埋個女都大,有自己諗法,想著咩衫,老竇都未必理到咁多嘅~