j

男友 B女遭辱罵 吳若希 :我真係會同你死過

藝人 吳若希 (Jinny) 與男友Alex Ho的女兒淼淼於今年4月23日出世,見到佢除了不時喺網上大晒同女兒的溫馨照片,身材亦fit了不少,似乎為七月復出做好準備!而向來喺網上世界不時被攻擊的Jinny,日前因為一個網民留言對佢本人、男友甚至B女作侮辱性的人身攻擊,今次佢實在忍無可忍!

吳若希 4月誕可愛B女

猶記得Jinny早年與Alex高調拍拖又高調分手,但去年突然傳出懷有身孕的消息,認真估佢唔到!而Jinny今年4月23日誕下可愛女兒淼淼 (Giselle),榮升媽媽~

網民留言辱罵

日前Jinny上載一張截圖,係一名網民留言辱罵佢及男友Alex,甚至B女都唔放過,用字極具侮辱性!無論係公眾人物還是普通人,都絕唔應該受到如斯侮辱,所以Jinny都忍唔住要爆啦!

吳若希 霸氣反擊

Jinny稱自己從來唔係「烈果type」,不過如果有人傷害作佢個女的話:「我真係會同你死過~~理得你乜嘢公眾人物~ 我做人阿媽連個女都保護唔到~ 我不如唔好生?!」

 

Jinny表示自己作為一個公眾人物,而且經常會被傳媒及網民瘋狂攻擊,所以佢知道一定要好好保護女兒。另外佢又認為作為一個媽媽,永遠想將最好的俾自己子女,唔希望女兒因為媽媽的身份,而在成長過程中不斷被鍵盤戰士攻擊。最後Jinny表示:「而我現在只是以一個媽媽的角色去保護我的女兒,我諗無一個媽媽會唔認同。」

爸爸Alex護妻女

至於爸爸Alex亦在晚上撰文護妻女,佢表示女兒好靚又「巧打耳」,無論佢將來變成點,喺父母的世界中始終係最perfect!之後Alex再撐老婆仔:「我老婆有幾任性,公主病。講粗口又點?咁又點?我鍾意呀!我愛呀!」最後又稱最愛的是自己家人,自己會用盡一切方法保護佢哋。窩心之餘又夠晒霸氣!

全文完