男同學爭媾 朱千雪變身 Law界女神

朱千雪喺近排周六、日熱播嘅劇集《踩過界》中,雖然只係客串,但一樣成為網友熱話。無他嘅,美貌與智慧並重嘅千雪BB人紅唔囂又夠貼地,而且好學不倦,停工一年走去讀法律博士,係男人見到都心動,難怪她踏入校園變身 Law界女神 ,唔少男同學都爭住媾。日前成班同學為她慶祝29歲生日,其中兩名老是常在千雪身邊出現的男同學都在場,但兩男氹到女神笑晒都冇用,因為佢自爆同外地的醫生男友Justin Ng正在了解中,同學仔都係畀心機讀書啦!

停工讀書朱千雪變身 Law界女神

朱千雪5年前選港姐,當年無綫玩全民普選,一直領先的她最後因冧server失后冠,但賽翁失馬,其發展比冠軍張名雅更順暢,成為當家花旦拍劇又受客戶歡迎。去年Tracy於香港中文大學企業傳播社會科學系碩士畢業後,竟選擇停工一年,再修讀香港城市大學法律博士學位,雖然大部分時間都放在學業上,但去年12月她趁學校假期空檔接拍正熱播的新劇《踩過界》,期間又接商場騷及品牌代言,keep住人氣高企。

延伸閱讀:

呻窮清算家人 張栢芝自爆被欺負18年

王君馨姊妹團 激索苟芸慧勁搶鏡

2012年朱千雪參選港姐,無綫玩全民普選,千雪BB一直領先,點知臨門一腳網上投票冧server,最後輸畀冠軍張名雅同亞軍黃心穎只得季軍。

為人貼地 呻冇時間識男仔

朱千雪為人貼地,素顏返學待人絕無架子,還引來唔少狂峰浪蝶,成為 Law界女神 ,不過她為讀書犧牲不少私人時間,有時一日要花10至12小時溫習,再加上空閒時要接job幫補學費,今年情人節佢都公開呻冇時間拍拖,單身dry爆:「情人節都係約岑杏賢食飯,就算遇到都冇時間了解。可能自己敏感度唔高,大部分朋友都係女仔,又冇乜新朋友發展,唔覺有男仔追,依家淨係排住讀書,唔諗其他嘢。」更笑言同班同學大多都是90後,直認年齡差距有尷尬。

朱千雪有樣有身材又有學識,去年停工再讀法律學士,好學不倦又貼地親民,令她大受歡迎。

男同學陪慶生 爭住獻殷勤

據知千雪所讀的博士班陰盛陽衰,男同學十隻手指數得晒,開學9個多月以前,能夠打入女仔堆的只有兩位男同學,6月23日晚上,一班法律系同學為千雪搞了個驚喜生日會,五女對兩男,飯局上兩名穿恤衫的斯文男同學施展渾身解數,全晚話題不斷氹女笑,壽星女亦表現得非常開心,飯後眾人捧出生日蛋糕為她製造驚喜,全場食客齊唱生日歌,千雪BB笑到見牙唔見眼。

 

飲飽食醉三個鐘,離開時恤衫男先行步出睇水,發現本刊記者後,他即向朱千雪打小報告,生日派對要散band,兩男望住千雪BB面露不捨之情。心情大靚的朱千雪邊行去停車攞車邊與本刊記者閒聊,更大方表示當晚吹爉燭後許了個「學業進步」的生日願望。

朱千雪素顏便裝出席同學飯局,一件連身T恤裙晒肉腿,即使見到本刊記者一樣笑容可恭任影唔嬲,難怪被封十年難得一見的貼地港姐。

 

自爆與筍盤了解中

有指千雪因三高(高學歷、高收入、高顏值)難搵男友,她卻聲言擇偶要求並不高,最重要是無條件支持她,其次是懂得製造浪漫即加分。入行以來緋聞近乎零的朱千雪年中曾被爆有個在澳洲讀醫的男友Justin Ng,對方是有家底之人,其父五年前在香格里拉集團做執行董事,現為老牌茶莊「祺棧茶行」老闆,在朱千雪的fb朋友名單中,連Justin父親及胞弟也是她朋友,可見二人關係密切。朱千雪為密冚戀情一直否認有男友,只認對方是相識多年的朋友,不過當晚本刊記者問她與Justin發展如何,她卻甜笑回應:「了解中!」有個咁強嘅筍盤男友,又難怪千雪BB對同班的Law男冇乜興趣啦!

全文完