男同學瘋狂求愛 邱淑貞釘實大女沈月

昔日性感女神邱淑貞 (豆斗) 的15歲大女 沈月 愈大愈索,吸睛度爆燈,近日在社交網人氣高企,貼一張跌膊相有超過5千個like!沈月除了成為電影公司、製作人吼實欲簽入娛樂圈,在校更是風頭躉,個個男同學爭住追,近來狂收求愛短訊。為隔開一眾狂蜂浪蝶,緊張媽媽豆斗最近採取人釘人策略,上星期約女放學後high tea,表面上係母女溫馨撐枱腳,實質係睇實囡囡﹗

沈月 愈大愈索

遺傳了媽媽的優良基因,沈月自小已經係美人胚子,現時15歲卜卜脆,愈來愈有美少女味道!沈月亦都好識做,不時喺社交網站大派福利,造型百變。時而清純、時而成熟 ;晒長腿又得跌膊又得,仲着埋和服㖭!認真冇得輸!

魚網誘惑

除咗清純同成熟之外,沈月仲有性感嘅一面 ! 其中一張相見到佢着上黑色性感蕾絲衫再加魚網絲襪,呢身打扮着喺15歲嘅沈月身上,顯得既可愛又誘人。

火紅女神 網民狂like

早前沈月化濃妝加上悉心打扮,一派成熟look和去灣仔參觀塞巴爾藝術展 (Art Basel),佢同一日上載咗好幾張相上社交網站,相中佢擺出模特兒甫士,當堂被網民大激讚「靚過啊媽」、「索到嘭嘭聲」!沈月每次有新相都大獲好評,於是令佢更加喜歡分享生活照!

母女歎下午茶

豆斗和老公沈嘉偉育有三名女兒,湊女一向親力親為,但自從沈月升讀加拿大國際學校中學部後,豆斗就讓佢學習獨立,甚少接放學。不過近日豆斗突然頻頻親自到校接女,上星期本刊記者就影到豆斗派司機準時兩點半到校門接沈月,直接載佢到銅鑼灣一起食下午茶。素顏束馬尾的沈月與一般學生妹無異,着上校服短裙加Leggings,收起長腿。

2

2a

大小女神出巡

媽媽豆斗早在一家韓式餐廳等待,兩母女邊食邊吹水,歎足個半小時埋單。之後沈月一直繑住媽咪行,大小女神走在街上出巡,吸引途人注目,更有男途人大叫「嘩﹗邱淑貞同個女呀﹗」豆斗聽到立即報以微笑,沈月則怕醜耷低頭。似兩姐妹多過兩母女 !

1

男同學瘋狂求愛

豆斗近日睇實沈月,原來係因為囡囡在校內亦係風頭躉,深受師兄師弟歡迎,仲有男同學瘋狂求愛!為免女兒太早情竇初開,豆斗近日變成跟得母親,mark實個女。另外佢又擔心沈月活躍社交網,而且甚享受成為眾人焦點,因為近月沈月突然將IG帳號由私人變公開,每po新相都閒閒地有數千like,追蹤人數每日俱增,而沈月不但緊張睇留言,更會跟唔認識的網友chit chat一番!

未命名

6 b3

b4

沉迷社交網

據知豆斗見到個女成日拎住電話,又好緊張每日多咗幾多人follow或者畀like,驚佢過分沉迷會出事、會被人呃。但又怕唔俾個女玩會出現反效果,所以只係提醒個女要識保護自己,叫佢睇清楚張相有冇走光先貼出嚟,成日睇實個女喺網上舉動同平日行徑。沈月同自己一樣咁索,真係難怪媽媽豆斗咁擔心!

3a

17年

全文完