ft pic

當Baby冇到 小S狼吻喪摷黃曉明

小S主持的綜藝節目《姐姐好餓》專請男神做嘉賓,李治廷、吳奇隆、劉燁等都上過節目俾小S抽水,今個星期輪到國民好老公黃曉明。疑似即將做爸爸的曉明,面對小S不斷抽水,明顯相當唔願意,梗係啦,萬一老婆Angelababy睇完唔高興,咁點算先?

延伸閱讀︰

警鐘胸抱女 Jessica C.闔家返美國度假

港姐馮盈盈 劉穎鏇素顏照大比併

面對出名愛妻又溫柔體貼嘅黃曉明,小S顯得飛擒大咬,冧爆向對方耳邊吹氣,煮飯環節又迫曉明同佢互餵,Baby睇完呢集小心會動到胎氣呀!

小S迫黃曉明同佢磨鼻扮溫馨,又哄個嘴埋去試圖硬咀對方,完全不知所措嘅曉明焗住用手擋,仲有少少發脾氣話真係咀唔落!

小S當年幫黃曉明Baby婚禮做主持,當時曾經當住雙方親友面前問過兩人一個超尷尬問題:對方摸你邊個部位會最興奮?事隔1年,小S重提曉明當時冇答問題,再次大迫供,仲上下其手喪摸,嚇到黃曉明硬晒呔!小S仲專登搵咗班小朋友考驗黃曉明有冇本事做爸爸,估唔到班細路人細鬼大,勁問刁鑽難題,例如點向男同學告白?Baby同黃媽媽跌落水會救邊個?連見慣世面嘅黃曉明都舉手投降!

全文完