EDC

疑有喜 陳冠希拖女友日本掃BB用品

去年搭上被指仍未跟華誼高層趙磊離婚嘅內地超模秦舒培後,陳冠希同秦感情發展神速,日前更同女友去日本掃BB用品,一向極注重私隱嘅陳冠希更大方同網友合照,唔通想話俾大家知女友有喜,佢就快做老竇!?

延伸閱讀:

路人甲變視后 胡定欣愈紅愈靚

打傷拳佬 牙佬原有來苦衷!

大方合照

有網友於微博透露,當時正於日本某商場嬰兒用品店內,期間遇到陳冠希及其女友秦舒培於該店睇嬰兒用品,網友即上前野捕陳冠希要求合照,點知陳冠希爽快答應,而秦舒培繼續睇BB衫,相中可見陳冠希與女友以情侶動物裝示人!

IG主動洩行蹤

陳冠希此行除了跟女友到日本掃BB用品,更順道探當地好友,於IG上載跟好友照屋健太郎合照,仲讚對方BB好可愛!而一向注重私隱嘅陳冠希,鮮有於網上洩露行蹤,莫非女友秦舒培堅大肚,佢快做老竇,唔介意將喜事同大家些牙!?