痞子殿下

痞子殿下大結局|周嘉洛「End Game式」救世 戴耀明再變「一拳超人」

最新娛聞

廣告

由周嘉洛、陳瀅、吳岱融領銜主演的《痞子殿下》,今晚八點半翡翠台將播出大結局。劇情將大量致敬經典科幻片,並以古裝片演繹,必令觀眾大飽眼福。

痞子殿下 今晚會有超英式End Game打鬥畫面!
今晚會有超英式End Game打鬥畫面!(圖片來源:TVB)

大結局劇情

大結局繼續高潮迭起,紀威(周嘉洛飾)假裝叫紀炯(杜燕歌飾)傳位給自己,目的是引誘三皇子發難攻入首振鎮。大戰前夕,周嘉洛為保護陳瀅,藉詞要陳瀅出外找援兵將她送走。士兵受命要先殺掉張頴康,怎料小寶突然殺出拼命相救。周嘉洛舉行登基大典,謀反者帶兵入鎮,中了周嘉洛設下的圈套,引發雙方混戰。謀反者發信號通知城外大軍,此時陳瀅突然出現,千尋與朱敏瀚為爭奪身軀控制權,左右身體開始互搏。

痞子殿下 首振鎮將開始連番大戰
首振鎮將開始連番大戰(圖片來源:TVB)
痞子殿下 大雜燴式登場!
大雜燴式登場!(圖片來源:TVB)

即睇首振鎮鎮民嘅「高強武功」:

另一方面,武功高強、深藏不露的村民決定「自己的鎮自己救」,實行大晒冷抗敵。該幕超英式「End Game」大型武打場口甚有睇頭,當中戴耀明更化身「一拳超人」KO對手,60位村民使盡渾身解數、各自出「大招」迎敵,場面震撼之餘不失搞笑,睇頭十足。

得知殺母仇人身份!周嘉洛為母報仇!

紀威( 周嘉洛 )嘅母親原來係俾司馬定國( 黃建東 )殺㗎!紀威見到司馬定國想追殺佢父親,就即刻跟過去。點知差啲俾司馬定國殺咗,好彩紀威仲記得裘勇( 吳岱融 )教佢嘅絕招,就係扮作自刎然後反轉利刀刺向黃建東!

「生同衾、死同穴」 TVB式生B大團圓

不過,話晒都係大型喜劇,所有你叫得出名嘅角色全部都大團圓結局!包括周嘉洛同陳瀅成功只「生同衾死同穴」結婚生埋仔;人格分裂的朱敏瀚亦成功能夠自主地控制唔同人物現身;張頴康同小寶亦都打算結伴同行尋找失傳的《還原靚靚拳》為小寶重拾美貌。不過最巴閉都係吳岱融,除咗可以抱得(Mayanne)歸之餘,亦與曹永廉繼續做「好兄弟」,三人行十分美滿!

痞子殿下 陳瀅到最後都要再一次破壞女神形象。
陳瀅到最後都要再一次破壞女神形象。(圖片來源:《痞子殿下》截圖)
痞子殿下 生仔痛苦樣「毀形象」。
生仔痛苦樣「毀形象」。(圖片來源:《痞子殿下》截圖)

重溫吳岱融曹永廉解HeHe疑雲

飾演無雙的麥美恩(Mayanne)與飾演裘勇的吳岱融上演浪漫歌舞劇搶盡焦點,兩人邊唱《幾度夕陽紅》邊跳舞,情到濃時更來個深情激吻,正當觀眾以為有情人終成眷屬時,無雙突然用刀刺向裘勇,原來無雙慘遭榮嘯(韋家雄飾)利用,誤會裘勇是其殺夫兼姦妹仇人;深愛着無雙的裘勇不但沒有怪責她,並道出自己是太監的秘密……隨着裘勇身份曝光,曾被網友誤會與裘勇玩HeHe的霍青山(曹永廉飾)終還清白,兩人關係純粹是真.友誼,昨晚其中一場戲裘勇捉着無雙、青山的手講「臨終遺言」,畫面看似非常感人,但原來裘勇只是瞓着咗覺,埸面搞笑兼溫馨。

痞子殿下 一定唔少得有陰謀
一定唔少得有陰謀(圖片來源:TVB)
痞子殿下 能成為密友總帶著愛
能成為密友總帶著愛(圖片來源:TVB)

麥美恩瘋狂練歌

該場歌舞戲睇頭十足,Mayanne受訪時透露原本只是一般的刺殺戲,但岱融哥想增加戲劇感故提議加入歌舞元素,更熱心地親自排舞,Mayanne說:「想做到談談情跳跳舞嘅感覺,加上第一次喺劇集度唱歌,所以一有時間就係咁練歌。」Mayanne笑言拍歌舞劇難過拍打戲:「好多人以為我哋係錄音嘅,但其實真係喺現場跳唱咗一次,原本以為要喺Studio補錄多一次,點知監製話效果幾好,唔使再錄可以直接出街。」據知該場歌舞場口拍攝為時約六小時。提到為岱融哥獻上螢幕初吻,Mayanne爆料笑謂:「拍呢場Kiss戲之前大家放咗個飯,我嗌咗鰻魚飯,岱融哥聽到之後用一個凌厲嘅眼神望住我,原本都唔知發生咩事,後尾發覺食完鰻魚飯係會口臭,所以我係咁食香口膠辟咗陣腥味先拍!」

痞子殿下 麥美恩同吳岱融呢場歌舞戲相當精彩,仲要係即場跳唱,真係估唔到
麥美恩同吳岱融呢場歌舞戲相當精彩,仲要係即場跳唱,真係估唔到(圖片來源:TVB)

馬上睇片重溫吳岱融麥美恩歌舞精華

古裝劇加科幻元素玩味濃 

第二十九集另一幕「插線」潛行夢境的場口,又是劇組腦洞大開之作!劇情講到紀威(周嘉洛飾)無意間發現佔據了千刀身體的千尋(朱敏瀚分飾)在桌上留下古怪痕跡,斷定是千刀發出的求救記號。紀威於是使計將千尋迷暈,小妹(JW飾)則利用紅線接駁紀威與千尋頭部,幫助紀威進入千尋夢境尋找千刀。該場入夢戲科幻感十足,加上每當千刀轉換人格時均會出現陀螺,似是向荷里活經典電影《潛行凶間》致敬,古裝劇加上科幻元素,玩味十足!

痞子殿下 之後就會插線咁樣
之後就會插線咁樣(圖片來源:TVB)
痞子殿下 潛行夢境加陀螺,大家有冇諗起《潛行凶間》呢?
潛行夢境加陀螺,大家有冇諗起《潛行凶間》呢? (圖片來源:TVB)

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節有什麼好去處推介?

情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!

撰文:東方新地圖片來源:《痞子殿下》截圖

讀者留言