七師傅

瘋火與膠七|七師傅「挺胸」回應網民負皮 講真心話:我都唔知拍咗啲乜

最新娛聞

由七師傅(七仙羽)和火火主持的ViuTV節目《瘋火與膠七》播出至今負評如潮,有網民批評搞笑搞到過晒火位,又剪到唔清唔楚,甚至要求腰斬節目。面對網民劣評,七師傅心都累了,出千字文解畫。

七師傅與火火擔正的《瘋火與膠七》負評如潮,師傅忍唔住要出千字文解畫。
七師傅與火火擔正的《瘋火與膠七》負評如潮,師傅忍唔住要出千字文解畫。(圖片來源:[email protected]_qi_xian_yu_)

七師傅「挺胸」解畫 直言:我都唔知拍咗啲乜?

《瘋火與膠七》播幾耐就俾網民鬧幾耐,日前火火鬧到Sica爆喊一幕,一班直認是因為有Sica才追看節目的觀眾大感心悒,又批評ViuTV翻炒「鬧喊人」的整蠱橋非常老套。面對負皮滿天飛,七師傅心痛火火:「每次電視節目被人罵,特別是罵火火時,我就要挺胸(或挺身)出來帮忙解圍,大家不睇大人的面,都要睇細的,他還有兩個小孩要養,就放過他吧」,她又向網民訴心聲:「說實話,我都唔知拍咗啲乜?」

七師傅的千字文中提到,有日同火火食飯,剛巧對方在連登看討論黑晒面。不過師傅就自認免疫,因為她自嘲「夠膠」及從不看討論所以哈哈大笑﹐又形容自己性格像老虎,甚麼都睇化了「一叫置之」。

七師傅 今次就算「師傅愛你」都搞唔掂,師傅都話自己唔知拍咗啲乜。
今次就算「師傅愛你」都搞唔掂,師傅都話自己唔知拍咗啲乜。(圖片來源:[email protected]_qi_xian_yu_)
七師傅 Sica無啦啦畀人鬧到喊,睇到網民好心悒。
Sica無啦啦畀人鬧到喊,睇到網民好心悒。(圖片來源:《瘋火與膠七》節目截圖)

七師傅:我都唔知咩係「膠」?

七師傅向來被網民形容為「玩膠」,即無厘頭演出,對答聽落九唔搭八又好像有點道理,這就是她迷人之處,不過她卻說自己不明白甚麼是「膠」,她說:「當初電視台找我拍攝《瘋火與膠七》時,我到處問人『甚麼叫膠?』大家都未回覆我,我根本不明白甚麼是膠的含義,就好像白卡丶csl丶jm9… 我都不知道含義。」

師傅又說每朝8時開始拍攝拍到半夜1時,還要和疫情搏鬥,累得就快虛脫;加上解答信箱環節要回覆很多信,她說:「回答不可以正路,要考反應。嘩!腦力體力都累,加上又病,整個人好疲倦。」她又說:「拍攝時,我問火火『到底拍咗D乜?』火火也問返我同樣的話題。」

雖然網民經常形容七師傅「玩膠」,但她卻說自己不明白甚麼是「膠」?
雖然網民經常形容七師傅「玩膠」,但她卻說自己不明白甚麼是「膠」?(圖片來源:[email protected]_qi_xian_yu_)

七師傅:外國人都睇得明,其實笑中有淚

七師傅雖然一開始都唔知拍咗啲乜,不過她後來想想通了:「再拍下去,我終於明白了,其實全部都是笑中有淚丶笑藏玄機的時事評判,好有深義,只要靜下心看,你一定會懂。好多觀眾邊看邊哭,她們說能看透這些玄機隱喻,及種種的無奈。」她又提到自己家人是外國人,他們都看得過癮,希望大家能給予多點支持。

其實節目笑中有淚,雖然七師傅與火火都唔知拍緊乜,不過他們都落力演出。
其實節目笑中有淚,雖然七師傅與火火都唔知拍緊乜,不過他們都落力演出。(圖片來源:《瘋火與膠七》節目截圖)

聽完師傅解畫 網民:試下睇多幾集

七師傅解畫千字文出街後,有網民表示:「見7cf都解咗畫,明白咗負評,我都唔會再講啲咩,都拍完咗,改唔到。我會再試下睇多幾集,睇下有咩玄機,同埋多謝俾Sica我睇節目。」,亦有網民轉軚撐節目有深度:「有深度有內容有娛樂好笑會繼續支持,甚少節目牽涉哲學心理學與娛樂,感謝製作團隊 。」有讚當然有彈,更多網民表示因為Sica才收看節目,又指七師傅與火火已經冇貨賣。

七師傅
(圖片來源:網頁截圖)
七師傅
(圖片來源:網頁截圖)

撰文:東方新地圖片來源:[email protected]_qi_xian_yu_、《瘋火與膠七》節目截圖

讀者留言