發哥離奇被屈拒再拍《賭城》系列

最近有網民表示喺巴士見到周潤發，仲聽到有乘客問發哥可否唔好再拍賤王晶嘅戲，跟住發哥猶豫兩秒答：「希望《賭城得雲》係最後……！」嘩，呢位網民好似記者咁，全程跟足二人對白並記錄下來出po，即時有七千幾個like，勁！

有網民問喺邊架巴士野捕發哥，出po之人表示係271號，仲言之鑿鑿指發哥過了浸會(大學)落車！

不過，及後有網民發現，原來發哥呢張相係四年前舊相，更曾有傳媒刊登過！

咁即係「Wow! Old news is so exciting！」呢位用舊相老作新聞嘅網民，即時被其他人狂插，睇下頁！

有網民直指利用發哥嚟炒作，唔知有咩居心！亦有人寸爆對方係思覺失調！

有網民笑言發哥好慘，因為呢個po要坐足兩年巴士！

雖然大部分網民認為利用發哥嚟呃like好缺德，但亦有其他人覺得冇乜問題喎。

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk