真人騷

女藝人參與內地真人騷節目 公開親筆字跡被網民取笑!

近日,有位女藝人參與湖南衛視嘅真人騷《嚮往的生活2》,體驗山林生活,挑戰各種野外生存技巧,例如落田摘菜、劈柴等等,幾難嘅任務都俾呢位女藝人過到關,順利完成節目,點知臨尾節目邀請嘉賓們寫低心聲,並公開各人嘅親筆信,咁就大件事了!

原文:環球膠報|圖片來源:湖南衛視官方頻道截圖、《嚮往的生活2》微博

真人騷節目公開親筆信

常言道手字寫得靚,俾人感覺係有文化又有內涵,加埋樣靚,真係冇得輸!但近日藝人參與湖南衛視嘅真人騒《嚮往的生活2》,並公開各人嘅親筆信,但點知佢啲字跡被公開後,就被網民指似小朋友塗鴉,講緊嘅呢位女藝人就係Angelababy!

真人騷

真人騷

公開親筆字跡被網民取笑

親筆墨寶一出,即刻露晒底!估唔到Baby靚靚女女,手字竟然歪歪斜斜,好似打10號風球咁!內容雖然引用咗唐朝詩人王建嘅《雨過山村》詩句,但唔知係咪因為手字實在太「霸氣」,變得一點美感都冇!網民都恥笑話好似小學雞罰抄咁,又帶點外國人寫中文嘅味道……咁人哋話晒都都「混血」㗎嘛!

真人騷

 

同人唔同命,台灣藝人吳映潔(鬼鬼)嘅字整齊得嚟又幾cute,充滿少女味,深得網民讚賞!

關鍵詞
Angelababy