ft pic

真係生咗!鍾嘉欣加國誕B

鍾嘉欣今年2月同老公Jeremy喺溫哥華補擺婚宴,當時嘉欣已肚凸凸,後來嘉欣於5月宣布有喜!早前,有傳鍾嘉欣於溫哥華誕下B女,但TVB高’層樂易玲隨即否認!直至日前,有指嘉欣BB已出世,老公Jeremy更全面停工陪坐月及幫手湊B,恭喜恭喜!

延伸閱讀︰

《城寨英雄》終極Boss 原來係三姨婆?

《城寨》砵仔糕老闆 歐瑞偉後生勁型仔

老公全面停工

有消息指嘉欣BB已經生咗,老公Jeremy亦已停工陪老婆坐月兼幫手湊B。報道指嘉欣於當地B.C. Women’s Hospital & Health Centre醫院生B,距寓所只有十分鐘車程。雖然之前一直傳出嘉欣陀B女,但至今都未知BB係仔定女!

5月些牙喜訊

對於嘉欣已生B,處女黨成員之一苟芸慧表示唔知情,而岑麗香表示:「I don’t know if it is true or not ah.」

其實今年2月補擺喜酒時,據知嘉欣已懷有身孕,當時佢怕BB小器,所以懶神秘說:「講真,BB嘅嘢,唔好亂講,我覺得太早,我會適當嘅時候公佈。(怕小器?)BB嘢就唔好講啦,有咩事就唔好啦。」到5月時,嘉欣公布陀B消息,即滿心歡喜跟大家些牙喜訊:「很快,我會進入人生另一個階段:做媽媽!我非常期待、異常興奮!當兩個心連成一個,感覺很奇妙!」

拍片say hi

而本月19日,嘉欣曾為代言護膚品牌拍宣傳片,表示自己好掛住大家,想快啲返香港,但當時嘉欣全程用咕臣遮肚,因此仍未知佢是否已生B。但佢拍片時精神奕奕,着住白色鬆身衫,睇落身形唔太脹。