停辦4年後再次舉辦的香港先生日前進行首輪面試，同港姐一樣，第一輪實會有千奇百怪嘅人出現，要幾騎呢有幾騎呢！不過61位參賽者當中，竟然有個餅印王浩信！唔只樣貌身高似到十足，連把聲都同Signal Wong一模一樣！呢位Tony(王瑋彤)其實堅係王浩信細佬，唔怪得似成咁啦！

其他文章：

必睇33C阿雪寫真

疑似舊愛曝光 吳若希男友急發聲明澄清

王瑋彤今年26歲，比王浩信細7年，6呎2吋，現時任職保險業，間中亦有做model。Tony曾經拍過電視廣告，早前亦有幫品牌Lancôme、Michael Kors出活動，亦有返內地拍過真人騷節目《非常完美》，算係半隻腳踏咗入行。

Tony好羨慕阿哥嘅明星生活，曾經參加過TVB藝訓班，更被珍姐點名話佢似王浩信！可惜最終過唔到second-in，同唔到阿哥做同事！

個樣似到十足，但Tony身形就冇阿哥咁有睇頭喇！雖然兩兄弟關係唔錯，但Signal Wong忙住拍劇又要湊女，竟然唔知細佬參選港男！佢話呢行好辛苦，唔太贊成細佬入行，但如果細佬真係鍾意娛樂圈的話都會支持，果然係親生大佬！

全文完