Feature

路人變女神定索女變師奶?8個短髮更美嘅女藝人圖鑑!

唔少男生喜歡女生長髮飄飄,好多女生亦覺得長髮先能顯出女人味!不過世事無絕對,唔少女藝人都曾試過把心一橫將長髮剪短,以新鮮形象示人,用行動實證短髮女生都可以有女人味,仲更有個性添!近嚟麥明詩剪短頭髮後亦引嚟大家討論,仲話佢似足靚靚袁詠儀!究竟係減齡變女神,定係索女變師奶?一齊嚟睇吓呢個短髮更美女藝人圖鑑啦!

撰文:東方新地 | 圖片:Instagram、《狼王子》劇照、新傳媒資料庫

麥明詩為拍劇剪去長髮

由選港姐到入行娛樂圈,麥明詩出道以來都擁有一把長長的秀髮,但近日佢突然下定決心走入髮型屋,一下子剪去留了多年的長髮,換上一頭清爽短髮!

麥明詩為配合新劇《殺手》中的造型而剪去長髮,表示如果趁後生梗係要試多啲嘢,就算唔適合,一年半載又係一條好漢!

從剪髮過程的短片可見,髮型師手起刀落,麥明詩最後剪去原來頭髮超過一半的長度!

麥明詩更上載正面相照,並問大家:「點?」,引來不少網民紛紛留言表達觀感!

有人指短髮後的她似足靚靚袁詠儀,大家又有冇同感?

大家覺得佢長髮定短髮好?

髮型的重要性女星最愛減齡短髮合集

唔單止麥明詩,其實唔少女星都會剪短髮轉造型,有啲變完髮仲會有減齡效果添!不想剪錯髮型由女神變師奶的話,一於看看以下8個女星短髮圖鑑!

1.袁澧林

袁澧林(Angela)的短髮造型深入民心,一個齊瀏海妹妹頭自然成為了她的象徵。其實在她當模特兒的時期,她也曾經留著一把長髮,想不到把頭髮剪短令她的輪廊更加突出,成為了當代女神!

短髮

相比短髮造型,長頭髮時的Angela看起來比較疲倦,而且把她分明的五官遮掩了。

2. 林明禎

講起短髮女神,又點可以唔提馬來西亞甜心林明禎呢!明禎的臉很小,所以短髮使她看起來更加精緻!

女神形象健康,配上一頭短髮更顯得有活力同可愛。

明禎喺不少拍攝中也曾經嘗試過長髮造型,但觀眾都係覺得短頭髮比較適合臉小小的她。

3.岑麗香

岑麗香一向給人甜美可愛的感覺,而長髮雖然為她增添咗女人味,但就未能突出佢嘅活潑個性。

相反,香香一剪及肩短髮就立即減齡,亦更俏麗!

4.王君馨

王君馨同樣是嬌小形的女生,雖然一頭曲髮好似更加嫵媚,但短髮更配合她爽朗的性格!

5. 佘詩曼

佘詩曼不嬲百變造型,其實長髮及短髮對於她嚟講都同樣好看,不過短髮嘅佢睇落更有氣質。

從前長髮造型嘅阿佘都當然省鏡,可惜氣質比較斯文普通。

6.吳雨霏

吳雨霏嘅短髮造型散發滿滿女人味,微曲短髮更加有小性感嘅人妻感覺!

長髮反而令佢望落去有點「蒲」味⋯⋯

7.高海寧

高海寧剪短頭髮後,變得更有女人味更俏麗,最緊要係「撈味」大減!

8. 黃智雯

黃智雯初出道時以長髮示人,斯斯文文咁但印象唔深刻,但剪短頭髮後,就變得更有星味!