fan

破冰合體 阿滕 定欣擺和頭酒賀收視

滕麗名於無綫劇集《一屋老友記》表現出色,被封為民間視后,有傳令該劇女主角兼視后胡定欣眼紅,早前寧願去登台,都缺席宣傳及慶功活動,不和傳聞甚囂塵上!今日兩位當事人終於破冰合體,齊齊慶祝該劇收視報捷最高達31點,而問到二人今日係咪真「破冰」,定欣笑言:「唔見現場有冰囉!其實出席第一次宣傳後,由於唔喺香港,所以冇出席,我哋冇不和,劇集好有呢啲新聞都好平常,如果我哋繼續不和,收視繼續好都冇所謂。」

其他文章︰

關禮傑索女成長記

是旦噏勁高質 林海峰狂爆金句

擺和頭酒慶功

談到被封民間視后,阿滕表示:「聽到我起晒雞皮呀!我冇諗過,我一年先拍一套,俾我enjoy吓啦!」至於問到俾阿滕搶戲係咪唔開心,定欣否認:「我好戥佢開心,都戥所有呢套劇嘅同事開心。其實各有各戲份,唔會搶得走!」之後二人又笑言要擺和頭酒,定欣說:「都唔係和頭酒,只係見收視好請大家食飯。」阿滕笑言:「我哋猜包剪揼,猜輸咗請食飯啦!」

否認與裕美拍拖

有指曾同裕美有一段情,更已影婚紗相準備結婚,張彥博否認:「當時係一個廣告代言,大家先着婚紗影相,有次幫王祖藍拍MV都有一個結婚橋段,可能咁令大家誤會咗,我哋冇拍過拖,當裕美係妹妹,大家都識咗十年。(冇發展機會?)冇嘅,當時做嘢時係有好感,咁多年後只係當佢兄弟。(冇追過裕美?)我都追過好多人,係冇人接受啫!」

成女配角大熱

呂慧儀於劇中演巴渣師奶大受歡迎,問到有否信心今年贏女配角獎,佢表示:「唔敢諗呀,個角色都幾八婆仔,當初都驚觀眾憎自己㗎,今次都開咗新戲路,自己都鍾意演喜劇!」

全文完