秦嵐

秦嵐:「當下想會不會毀容…」 自揭壓力爆煲生過百粒暗瘡

今年37歲的秦嵐因於《延禧攻略》中飾演富察皇后一角,而成功大受兩岸三地觀眾喜愛!最近,她接受內地節目《魯豫有約一日行》訪問時,大爆自己曾經因拍攝電影《南京!南京!》而差點毀容!

撰文:東方新地|圖片:影片截圖、微博

秦嵐自揭壓力爆煲生過百粒暗瘡

《延禧攻略》成功令劇中一眾有份飾演的演員人氣急升,而劇中飾演富察皇后的37歲秦嵐更深受觀眾喜愛。不過,一向以白肌膚見稱的秦嵐最近卻於節目中,大爆自己曾因拍攝電影而差點毀容!

秦嵐 秦嵐

秦嵐接受訪問時指自己指攝完電影《南京!南京!》之後皮膚就出現問題:「因為那個戲很多戰爭埸面、很多燻煙埸面,臉之後整個廢掉了,長了滿臉的痘。」

因為長時間待在燒黑輪胎的環境中,加上當時還接拍另一部戲及綜藝節目,令她壓力過大及人亦很累,結果臉及頸長出一兩百粒痘痘!

最後決定咁樣解決!

因為臉上長了太多痘痘,連妝亦上不了,但工作始終要繼續,最後秦嵐「在北京找了擠痘的地方,有疤也沒辨法,死馬當活馬醫,我躺的地方有條浴巾都濕透了,疼得眼淚到……擠完之後臉整個很嚇人,當下想會不會毀容。」,真的聽了都覺痛!

37歲秦嵐親授護膚之道

37歲的秦嵐保養得宜,驟眼望落一啲都唔似接近40歲!早前佢旋風訪港三日,在港期間出席化妝品品牌活動,不過最吸睛嘅富察皇后皮膚相當白皙,喺閃光燈下皮膚更猶如白到識得反光!

秦嵐
一身黑與雪白皮膚形成強烈反差!

當問到皇后娘娘有咩護膚之道,秦嵐就大方向大家分享透露自己每天都會敷mask,做運動,同不吃煎炸食物!

秦嵐

少吃感光植物

皇后表示自己對飲食好注意,基本譬如說香菜(如芫荽)就好少吃,而且仲少吃感光植物,然後經常要食一啲更健康嘅食物,譬如說每天會有酸奶牛奶攝入!

相信唔少人可能對於感光植物唔太了解,其實感光植物就係含有光敏感性物質嘅植物,例如芹菜、韭菜、檸檬、紅蘿蔔等!

但大家可能會問檸檬唔係可以美白嘅咩?據營養師指出檸檬真係感光食物,但要一次過要食300百個先會變黑,所以只要適量進食應該就影響唔太大嘅,但娘娘就決定一於少食為妙!

勤做運動

娘娘仲表示要維持美好身段,就一定要堅持做運動!佢認為好嘅身材一定不會喺懶人身上,所以一定要勤奮!

早晚敷臉膜

之後,秦嵐指基本每日敷兩片臉膜,早晚各一片,因為有時拍戲前一定要敷一片,如果唔係個妝就會好唔貼!

定期排汗

而且,佢仲話因為拍戲長時間照燈光,再加上面上有好厚嘅妝容,其實會對皮膚蠻傷,所以清潔佢會好在意對皮膚嘅保養!

秦嵐表示要定期排汗,因為咁樣做可能會對於代謝比較好!當然,定期排汗除咗可以令身體代謝加快,仲可以keep住個弗爆身型,認真一舉兩得!

秦嵐出巡 晒白滑美腿

秦嵐昨午從北京飛抵香港,由女助手陪同步出閘口,品牌安排多名保安接機,戴黑超嘅秦嵐表現友善,應記者要求停步拍照。

秦嵐
秦嵐表現相當友善,上車時更和記者們禮貌道別。

雖然保安重重包圍,但秦嵐也邊行邊接受記者簡短訪問,之後她上七人車直駛紅磡下塌的酒店休息!

晚上秦嵐再出動到尖沙嘴廣東道的時裝名店,為應邀出席的活動試衫。

秦嵐話上次來港已是年多前的事,對香港印象好好,也喜歡地道美食,她又透露參演的內地劇《外八行》已煞科,隨後都是四處飛來飛去工作。

對於外界讚她皮膚保養得好,秦嵐大方分享心得,表示會每天敷面膜,平時喜歡做運動,都會控制飲食,少吃煎炸食物。

關鍵詞
秦嵐