秦舒培美國待產陳冠希4月做爸爸

那些年的壞孩子

Edison多年來身邊不乏女伴，緋聞女友多不勝數，佢早年與台灣女友Ann感情穩定，可惜最終都係逃唔過分手結局，2014年各散東西。

不過Edison去年就爆與現年26歲的內地超模人妻秦舒培當眾調情，其後兩人高調認愛，但對方老公、華誼時尚高層趙磊卻指兩人並未離婚，鬧出一場男方偷食人妻、女方出軌的風波。拖拉一段時間後，秦舒培與趙磊終在去年底辦妥離婚手續。

去年七月時，Edison突然喺微博上載台灣名模林志玲(Chiling) 的相片，然後留言用英文破口大罵。佢先話Chilng係八婆，然後話對方好醜樣，仲有聞起來好像糞便；之後又話Chiling唔係真正的演員及超模，更暗示對方曾進行過不道德交易！

後來有說法指Edison不滿Chiling疑似喺某節目中與秦舒培爭job，於是喺網上霸氣護短，可見佢有幾緊張女友！但最後事件似乎與Chiling無關，於是Edison就被網民狂轟恰女人！

Edison與秦舒培愛得轟烈，今日有報道指女方原來去年中已懷孕，預產期為下個月，Edison即將做爸爸啦！佢亦隨即停晒所有內地酒吧騷，留喺美國陪女友待產。

Edison去年八月斥資285萬美元(約2,200萬港元)，喺美國洛杉磯買下一個五房連泳池的豪宅，作為與女友的愛巢。據知新愛巢位於洛杉磯Hollywood，距離市中心不遠，客飯廳廚房都採用開放式設計，連浴室都完全無遮無掩！符合晒Edison的鬼仔性格。

Edison以前一向係無腳雀仔，從來冇女仔可以箍得住佢，同台灣前度Ann分手都係因為被對方發現與其他女性有曖昧關係。但自從遇上秦舒培後就修心養性，連婚姻觀念都改變埋！因為Edison身邊朋友都知道，佢以前講到明唔會結婚，亦唔鍾意小朋友。所以今次Edison準備做爸爸，大家都好驚訝！

不過點都好啦，小編真係恭喜佢呀！

關鍵詞