千嬅

立即變金亦得? 金毛千嬅嚇親Torres

楊千嬅除咗大笑姑婆形象夠深入民心,多年keep住嘅一頭紫髮亦係icon!堅持捍衛紫頭造型嘅千嬅,尋日竟然突然染金毛,雖然呢排的確潮流興金髮,一班球星爭住做MK金毛飛,但千嬅無端端由紫轉金,唔只嚇親班粉絲,連親生仔Torres都睇到呆咗,幾乎驚到連阿媽都唔認得呀!

其他文章︰

三生力軍加入 港男終極十三強誕生

加菲貓圍裙加「面堅尼」 《一屋老友記》夠晒潮

其實千嬅係為咗拍一個電視廣告被迫染髮,佢話呢個金毛look只會維持一日咁多,但話晒Torres只得4歲,見到阿媽唔同晒,即刻呆咗成分鐘,最後先行埋去摸下啲頭髮,千嬅話阿仔以為係假髮添!

千嬅早前去紐約出席電影節時,以招牌紫髮現身,順眼好多!佢知Torres鍾意lego,去到當地特登抽時間行街買玩具俾囝囝,超級廿四孝!

好在千嬅平時唔使開工會陪Torres周圍玩,母子感情咁好,Torres點驚都唔會唔認阿媽嘅!

全文完