米雪

靚樣廿多年不變! 米雪 美魔女始祖

今時今日,人人都話係美魔女。其實早在有「美魔女」呢個名詞前,米雪姐姐已經係娛樂圈首屈一指不老傳說。勁過晒所有美魔女,就係四字頭至到今時今日六十有二,都仲係未老過咁嘅樣,已經贏晒!

撰文:東方新地|圖片:新傳媒圖片庫、米雪微博

米雪散發文青氣質

客串完《深宮計》,喺香港都未有新工作,呢幾個月米雪姐姐生活都好悠閒,就係跑吓馬仔、見吓朋友仲有遊山玩水咁囉。日前米雪姐姐約埋友人喺圓方飲咖啡,同行友人有老有嫰,計歲數似乎係米雪姐姐年紀最大,不過橫睇掂睇都係不施脂粉、紮住馬尾的米雪姐姐最上鏡又最有青春氣息,真係要問吓佢食咗邊隻防腐劑先得!

米雪
米雪早前在《深宮計》客串韋后,出場戲份少,但氣勢迫人!

約咗三個男女友人在圓方歎咖啡,坐得最入的米雪姐姐卻最搶鏡,戴住個黑框眼鏡仲有啲文青氣質。

米雪

除低眼鏡,近距離望望零化妝又隨意紮起黑髮的米雪姐姐,依然省鏡。

米雪

飲完茶一行人起身準備離開,62歲米雪穿的是黑色間條白恤衫,簡簡單單已經氣質無邊。

米雪

一向同姪仔姪女friend、又有好多後生仔朋友,米雪姐姐呢日就車埋個世姪離開。

米雪

一齊來重溫米雪年輕時靚相!

其實米雪嘅靚樣又點止二十年不變,一齊嚟重溫一下米雪入行45年來嘅精彩靚相啦!

米雪
1976年佳視電視劇《射鵰英雄傳》演黃蓉。
米雪
1976年佳視電視劇《廣東好漢》。
米雪
1976年21歲的米雪。
米雪
1977年電影《金玉良緣紅樓夢》。
米雪
1980年麗的電視劇《大內群英》。
米雪
1981年麗的電視劇《武俠帝女花》。
米雪
1983年27歲的米雪。
米雪
1985年亞視電視劇《萍蹤俠影錄》。
米雪
1990年34歲的米雪。
米雪
2004年亞視電視劇《子是故人來》。

米雪 可人校服look

唔止素顏得,米雪校服look一樣得!早前她穿起校服,造型很有驚喜,她似乎跟校園look很配合,整體看下去還更顯年輕。

米雪

米雪一直被指童顏,保養得宜,非常年輕!

米雪

一向活潑可愛搞鬼的米雪,打扮時尚,完全沒有62歲的影子。

米雪