ft pic

終認分手 胡定欣宣布:我跟Terry現在是好朋友

日前本刊踢爆胡定欣早於個多月前與音樂人男友陳明道Terry分手,而定欣就因為失戀出走英國,仲搵咗胡說八道會班姊妹輪住陪玩。一直冇回應過分手傳聞嘅定欣,今日終於親認分手,但強調當中唔牽涉第三者,兩人分手亦是好朋友咁話!

延伸閱讀:

着姊弟裝 梁浸浸啜爆小陳真

舊五虎走剩馬明 吳卓羲林峯黃宗澤激罕合體

現正在英國度假嘅定欣,突然在Ig宣布「分訊」,「我跟Terry現在是好朋友!! 他是我很尊敬欣賞的人,在過去這段感情,一直都很疼惜我照顧我,給我很多鼓勵,他亦是一位對待事業和感情都很專一的人……希望傳媒朋友不要打擾他了! 感激感激!!~~ 放心,我很好,正享受我的假期,不用擔心!! 充滿電,返黎見!!」

話就話分手快樂,但失戀就梗係想有人陪住啦!胡蓓蔚夫婦、黃智雯同胡杏兒一班閨密都算唔話得,齊齊請假飛去英國,陪好姊妹療情傷!

其實定欣同Terry拍拖1年幾,已不斷傳出婚訊,當時更有指定欣會做猴年新娘,35歲前嫁得出,可惜最後都係分手收場!

本刊記者早前拍得Terry背住女友密會25歲辣妹dancerAlina。Terry對Alina照顧有加,除了稱對方做Baby Lin,又介紹佢俾林峯,等Alina可以為林峯演唱會伴舞兼MV女主角!早前胡定欣去大馬登台,本刊更發現Terry相約Alina去銅鑼灣撐枱腳。食到咁揚,你叫定欣點忍呀?

全文完