結婚P 楊愛瑾晒閃爆鑽戒

 
31歲楊愛瑾(Miki)今日跟拍拖八年嘅永安太子爺郭永淳,於深水灣鄉村俱樂部舉行結婚派對,新娘Miki穿英國皇妃Kate Middleton最愛品牌Jenny Packham價值六萬多嘅婚紗現身,左手戴上閃爆鑽石!Miki笑言老公怕羞,所以由兩個好姊妹鄧麗欣(Stephy)同吳雨霏(Kary)見傳媒。


對於能同老公修成正果,Miki表示好開心、好感動,自己都有喊:「因為覺得一揭起頭紗就喊就好奇怪,但一講到誓詞嗰陣終於都忍唔住,但佢(郭永淳)就冇喊。不過都冇問題嘅,大家都知道對方嘅心意。我講咗好感動嘅說話,打動Daddy媽咪,因為平時我好少同佢哋講一啲好sweet嘅說話。」問到求婚鑽戒有幾卡,Miki笑言:「幾多卡都唔緊要啦。(婚後即造人?)我哋都係順其自然啦,有就有,冇就遲啲啦。」

 

一對新人邀請圈中好友出席,更齊齊上台多謝大家參與佢哋婚禮。

 

其中獲邀著名公關鄭紹康滿場飛,跟Miki及郭永淳合照後,之後再同Miki兩合好姊妹Stephy及Kary selfie。

問到送咩禮物,薛凱琪笑言送禮金。至於有否喺結婚P唱歌,笑言:「我冇,不過側田就有唱。」

JUSTIN

 

婚宴場地布置簡約,台上有大大個「M&E」字,代表一對新人英文名Miki與Emmanel。整個現場以米白色為主調,配以滿天星花擺設,而一對新人生活照旁,備有五層嘅蛋糕及多款精美cup cake讓大家享用。

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk