寫真

經典 寫真 女神逐個睇 舊時?模無得輸

最新娛聞
一年一度的書展又到啦,過往書展最受注目的絕對係一眾Model的 寫真 對片,互串對鬧火花四起,猶如戰國時代。但今非昔比,依家寫真規模越來越細,亮點唔多,好快就唔記得。回想當年百家爭鳴之時,一張又一張寫真靚相陪伴不知多少男孩變男人,依家就同大家回顧一下,真係好懷念!

Angelababy

講到寫真鼻祖,點可以唔提Angelababy,Baby深明自己輸兩球先天缺憾,出道首本寫真以日系少女,高貴嫵媚風格,避重就輕,成功俘虜不少男士。首本寫真彈起之後,立馬告別寫真界,北上發展,越撈越紅,除左嫁畀黃曉明外,更係大陸版Running Man《奔跑吧兄弟》常駐主持,今非昔比。

經典 寫真 女神逐個睇  舊時?模無得輸

周秀娜

除了Baby之外,周秀娜絕對係宗師級前輩,佢初出道時有「翻版樂基兒」之稱,樣子甜美且身材火辣,經常狂騷32D胸器,好快就成為知名模特兒。當年推出寫真集《Kissy Chrissie》引來全城熱話,滴雪糕滴牙膏睇到人心癢癢,一張又一張爆乳靚相陪伴不知多少男孩變男人。但娜姐升上神枱、早年告別寫真界後,幾乎與性感絕緣,依家最多只可以見到佢做生招牌晒自家品牌內衣,實在令人懷念。

經典 寫真 女神逐個睇  舊時?模無得輸

陳靜 (Dada)

繼周秀娜之後,點少得擁有34E火辣身材的陳靜(Dada) ?當年以模特兒身份出道,因道地百果園飲品廣告走紅,有「百果園E神」之稱。Dada加入娛圈後毫不吝嗇晒body,每次示人例必谷盡E級胸器,令人留下深刻印象,當年出寫真集亦睇到大家鼻血長流!不過佢近年轉型做實力派,拎咗金像獎最佳女配角,其後宣布「封胸」,表示唔會再為賺錢而賣肉,令一眾男士傷心欲絕!

經典 寫真 女神逐個睇  舊時?模無得輸

孫慧雪

除咗三位天后級人馬外,近年都仲有猛龍出沒,好似孫慧雪咁,上年趁入行10周年推出處女寫真《Once》,專登飛去台南墾丁取景,人靚景靚!雪雪講明呢本寫真係佢第一本、亦係最後一本寫真,以後唔會再出。寫真主要以日系風格示人,襯晒雪雪個日本妹形象!

經典 寫真 女神逐個睇  舊時?模無得輸

 

可惜事隔一年,正當你回味緊雪雪的靚相,轉眼間佢已經成為人妻,仲有埋BB準備做媽媽,經常喺IG出post大哂美滿婚姻。

經典 寫真 女神逐個睇  舊時?模無得輸

「雞排妹」鄭家純

香港身為國際都會,點都要面對下過江龍的挑機,有「雞排妹」之稱、來自台灣的鄭家純,上年出咗本超大尺度寫真《純》,封面是真空工人褲look令人有無限遐想,亦有全裸趴喺床上展示圓渾美股,進食時只用頭髮遮着重要部位,全身身材一覽無遺,可惜佢其後表示呢本係最後一本寫真集了。

經典 寫真 女神逐個睇  舊時?模無得輸

羅霖

所謂薑越老越辣,寫真界的Model同樣可以,貴為50歲的羅霖,近年以高齡女模姿態殺入書展,推出寫真集,成為索爆人母美魔女,當你以為女模越後生越正的時候,羅霖身體力行,用自己證明畀你睇,半百之齡同樣撼得贏你班後生女,不過佢講明依次除左係處女作,亦都係最後一次,鍾意的少男們唯有祈求佢拍多啲性感劇集。

經典 寫真 女神逐個睇  舊時?模無得輸

全文完

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

讀者留言