延禧越南feature

網民:係咪搞錯咗啲咩?《延禧》越南版 高貴妃變男人勁恐佈

越南版《延禧攻略》主角曝光?原來越南重拍大陸劇唔係第一次,兩年前已經重拍過《花千骨》,而且《延禧》喺當地大hit,出返套同聲同氣嘅本土版都唔出奇。當地媒體《Theanh28》刊出疑似《延禧攻略》越南版演員嘅照片,引起網民嘅熱議,其中高貴妃更驚現男人樣!十分驚嚇!

撰文:娛聞樂 |圖片:[email protected]|編輯:東方新地

《延禧》越南版 高貴妃變男人勁恐佈

1. 乾隆

同原版聶遠有幾分相似,好似後生啲、靚仔啲。

延禧

2. 魏瓔珞

吳謹言一樣擁有大眼睛,好似一樣有活潑性格。

延禧

3. 富察傅恆

同許凱一樣有一道霸氣劍眉,不過「韓味」好重喎!唔講真係唔知係泰國人。

4. 嫻妃

佘詩曼比較淡雅,越南版比較艷麗,各有千秋啦。

5. 富察皇后

秦嵐比較溫婉,有種溫文爾雅嘅感覺,相反越南感覺比較活潑。

6. 爾晴

蘇青演討厭嘅爾晴入型入格,越南版睇落都唔係省油的燈。

7. 明玉

姜梓新將明玉演得活潑可愛,越南版⋯⋯陰陽味重咗啲吓嘩?同埋啲眼耳口鼻⋯⋯中咗輻射?究竟係男定女?傻傻分不清。

8. 純妃

王媛可飾演嘅純妃性格與世無爭,隔離呢個⋯⋯奸妃嚟喎!

9. 高貴妃

高貴妃雖然囂張跋扈,不過譚卓都算係一個靚女,隔離係⋯⋯越南版?泰國版?男人嚟嘅喂?

越南網民以「乾隆趴床哀怨圖」回應,又嘲諷「一定要這樣委屈弘曆嗎」、「沒必要這樣傷害貴妃吧」、「法海快來」、「是男的吧!」

10. 太監李玉

劉恩尚同越南版邊個好?不用分那麼細,大家都是肥仔!

讀者留言