繩角

繩角|MIRROR隊長Lokman一句話再辣㷫網民 解開So Ching unfollow真相!

最新娛聞

廣告

MIRROR隊長楊樂文(Lokman)近日被指頻頻失言,繼日前回應MIRROR演唱會意外時講出的「安全論」,惹起有份參與演唱會的一眾舞蹈員不滿後,Lokman為宣傳與隊友AK(江𤒹生)、Alton(王智德)、Tiger(邱傲然)合演的ViuTV新劇《繩角》出post,卻因當中一句說話,而再度惹起公憤,被網民圍攻!

即睇《繩角》劇情劇透及角色介紹

Lokman出po宣傳新劇《繩角》

楊樂文Lokman日前回應MIRROR演唱會意外時,辣㷫了一班有份為MIRROR演唱會伴舞的舞蹈員,及後有舞蹈員指被網媒斷章取義的報道所誤導,在了解Lokman的完整訪問後,便公開向Lokman道歉。當大家以為事件告一段落時,Lokman一個簡單的宣傳新劇po中,貼出了他在《繩角》入面的黑白劇照,以拳手造型大曬胸肌,並寫道:「最後邊個企得返喺度」,竟然再度惹起網民不滿。

繩角 Lokman宣傳《繩角》變成惹火post。
Lokman宣傳《繩角》竟變成惹火post。(圖片來源:IG@llokmann)
繩角 Lokman在《繩角》中飾演二師兄李承東。
Lokman在《繩角》中飾演二師兄李承東。(圖片來源:ViuTV《繩角》劇照)

《繩角》Lokman引用對白變暗寸阿Mo?﹗

劇中演員駱振偉Thor隨即回應Lokman,答出Lokman在劇中的角色名「阿東」(李承東),但有不少網民卻有另一番解說,把Lokman的一句說話「最後邊個企得返喺度」,投射到MIRROR演唱會意外受重傷的阿Mo(李啟言)身上,並紛紛留言:「最後邊個企得返喺度,一定唔係阿Mo啦,隊長」、「肯定唔係阿MO」、「你哋12個都企喺度,得一個人企唔到咋嘛」、「你一句老師教The Show Must Go On呢句令我對你好失望」,並有不少網民tag蘇晴並寫道「明白你點解要unfollow佢」、「隊長講說話你聽喎!」、「隊長講嘢你要聽」等等。

繩角 Thor在《繩角》飾演大師兄袁天就。
Thor在《繩角》飾演大師兄袁天就。(圖片來源:ViuTV《繩角》劇照)
繩角 兩師兄弟在劇中有不少對手戲。
兩師兄弟在劇中有不少對手戲。(圖片來源:ViuTV《繩角》劇照)
繩角
(圖片來源:IG@llokmann)

So Ching IG大清洗unfollow Lokman等MIRROR成員

Lokman這一句說話,亦成為討論區熱話,指他:「講嘢用唔用腦㗎?」、「擺明係特登啦」、「係咪之前畀班dancers鬧條氣唔順,出個post寸番人呀?」、「講暗寸,連登仔都唔及Lokman」、「呢招絕,如果班dancers嘈,佢可以話係宣傳套劇,係你哋自己對號入座」、「等緊方方又出嚟鬧」等。不過亦有網民留言還Lokman清白,指這句說話其實是劇中對白:「對白啫,咁都入到位?」、「呢啲PR叫post又關隊長事?真係慘!」、「乜都撈埋一大舊」、「點解一個咁嘅po都可以俾人過度解讀」等等,同時,有網民發現So Ching除了8月時unfollow了花姐、魯生,之後又unfollow了Anson Lo盧瀚霆,近日網民發現她除了Ian陳卓賢和Jeremy李駿傑之外,其餘的MIRROR成員都已unfollow,包括隊長Lokman。

繩角 蘇晴@COLLAR連月照顧阿Mo。
蘇晴@COLLAR連月照顧阿Mo。(圖片來源:IG@soching_nat)
繩角 Lokman、阿Thor及AK在劇中合作。
Lokman、阿Thor及AK在劇中合作。(圖片來源:ViuTV《繩角》劇照)
繩角 Lokman與AK
Lokman與AK(圖片來源:ViuTV《繩角》劇照)
繩角 Lokman本身是舞蹈員出身。
Lokman本身亦是舞蹈員出身。(圖片來源:IG@llokmann)

常見問題

《繩角》大結局師徒大戰邊個會贏?

大師兄戰死擂台後,Lokman和AK各自態度大轉變,到最後一集兩師徒將一齊上擂台對戰,二人都無因為對方而手下留情,到最後關頭⋯⋯按此大結局劇情劇透

Mirror仲有邊套劇即將播出?

由《大叔的愛》班底製作的《百萬同居計劃》即將接檔於12月5日首播,由於Edan呂爵安檔期不合而辭演,其角色由魏浚笙頂上⋯⋯按此看劇集及角色介紹

撰文:東方新地(部分內容轉載自New Monday)圖片來源:IG@llokmann、ViuTV《繩角》劇照、IG@soching_nat

讀者留言