蘇皓兒

羅天宇打波媾掂蘇皓兒？「女神收割機」晒合照洩蜜

Jun 23 2020

廣告

港男出身的羅天宇，前度唔係港姐就係高質小花，早前有傳媾掂新紮小花戴祖儀，車接車送獻殷勤，不過最新目標是《那些我愛過的人》演林文龍女兒的26歲蘇皓兒，借打籃球而成功埋到女神身，「女神收割機」呢個名羅天宇真係當之無愧。

文：東方新地圖：羅天宇、蘇皓兒IG

蘇皓兒熱愛打籃球，打完波紅粉緋緋，係男性見到佢都會同佢一樣紅都面晒﹗

五官標緻的蘇皓兒，真・素顏一樣咁標青。

近日在新劇《那些我愛過的人》做純情學生妹的26歲蘇皓兒（Chole），成功激增宅男粉絲，樣似永遠女神周慧敏，加埋一雙長腿成了她的最強武器，自從1月公布同王宗堯分手重新上市後，雄性動物都對她虎視眈眈，而素有「女神收割機」之稱的羅天宇，有高質女神，又點會走漏佢對法眼﹗早前羅天宇冧掂戴祖儀，原來只要一日未認愛，女係會繼續媾嘅，有傳羅天宇原來早已向熱愛打籃球的蘇皓兒埋手，相約打波一段日子，打波傳情一撻即著，因為一張球場合照而洩蜜。

呢張十一人大合照，只有蘇皓兒一個女隊員，邊個同佢最close，一眼就知係羅天宇啦﹗企喺後排嘅明顯同佢保持距離，只有羅天宇獨享伴住女神的最佳位置。 — 呢張十二人（灰衫張景淳匿喺周志文後）大合照，只有蘇皓兒一個女隊員，邊個同佢最close，一眼就知係羅天宇啦﹗企喺後排嘅明顯同佢保持距離，只有羅天宇獨享伴住女神的最佳位置。

羅天宇借打波埋蘇皓兒身

羅天宇胋出一張打完波後的球場上大合照，十一男一女，大部分企在後面做背景，灰衫張景淳更企匿正喺周志文後面，只有羅天宇同Chole並肩在前中排，而Chole頭也自然地挨向羅天宇方向，一張合照焦點都落在二人身上，不禁令人揣測二人的親蜜關係，至於聲稱同羅天宇只是波友關係的緋聞女友戴祖儀，卻未見在當中。

蘇皓兒日前現身賀羅天宇好兄弟翟威廉、周志文等投資的清酒開幕活動，羅天宇疑似避傳媒而快閃祝賀，把蘇皓兒交給波友陳安主和阿感好好照顧。

球類、健身、游水，蘇皓兒樣樣運動都like，在IG大晒白滑靚背，可能下次羅天宇會約佢去遊船河﹗

蘇皓兒一個單眼，何止電暈班宅男粉絲，女神收割機都被佢電親。 — 一個單眼，何止電暈班宅男粉絲，女神收割機都被佢電親。

一雙長腿係蘇皓兒的最強武器，故有長腿女神之稱。

蘇皓兒仲練到腹肌㖭，身材勁fit。 — 仲練到腹肌㖭，身材勁fit。

蘇皓兒呢個wet look又點睇？ — 呢個wet look又點睇？

蘇皓兒戴住個冇眶眼鏡一樣索，真係清純又得、健康性感都得，得咗﹗ — 戴住個冇眶眼鏡一樣索，真係清純又得、健康性感都得，得咗﹗

羅天宇係男人公敵

羅天宇08年參加港男奪冠，入行十二年，其代表作只有在處境劇《愛‧回家》的馬子仁，多年來事業未見起色，但媾女戰積輝煌，Coffee林芊妤、苟芸慧、蔣家旻、湯洛雯、高海寧、陳瀅、戴祖儀等都死喺佢手上，難怪好兄弟翟威廉都要話佢係男人公敵﹗

蘇皓兒羅天宇同湯洛雯拍拖一直唔認愛，甩拖後的湯洛雯更因情緒影響而令荷爾蒙失調而肥腫難分。甩拖兩年後，最近靚湯同馬明大方公開戀情，得到大家的祝福。 — 羅天宇同湯洛雯拍拖一直唔認愛，甩拖後的湯洛雯更因情緒影響而令荷爾蒙失調而肥腫難分。甩拖兩年後，最近靚湯同馬明大方公開戀情，得到大家的祝福。

蘇皓兒羅天宇其貌不揚，又唔算高大威猛，又唔係一線小生，但緋聞女友個個超班，真係恨死一班男人。 — 羅天宇其貌不揚，又唔算高大威猛，又唔係一線小生，但緋聞女友個個超班，真係恨死一班男人。

蘇皓兒長腿女神羅天宇女神收割機

讀者留言