羅天宇

羅天宇被指與陳瀅暗撻半年 男方親身咁回應!

現時30歲的羅天宇於2008年參選香港先生入行,相信大家對他最有印象就是於無綫處境劇《愛・回家》飾演馬子仁一角。除此以外,他的感情生活亦最為人關注,最近有傳他與陳瀅暗撻半年,而當時人之一的羅天宇亦親身回應拍拖一事!

撰文:東方新地|圖片:新傳媒圖片庫、Instagram

羅天宇被指與陳瀅暗撻半年

是咁的,表面上一直sweet到爆的湯洛雯同羅天宇,今年被爆原來已經分手!其後,羅天宇被爆出已火速撻著另一大台小花陳瀅!近日,再有周刊爆指他與陳瀅已經暗撻半年,計落就與他分手再撻著陳瀅的時間幾吻合!

Happybirthday to @irish.toffee

A post shared by Joey Law 羅天宇 (@lawjoey) on

最近,羅天宇與陳瀅有份拍攝新劇《跳躍生命線》,日對夜對地拍劇,難道真的對出真感情?不過,二人就算一齊合照,都搵個中間人何廣沛隔住,會否無私顯見私呢?

有新電話用, 終於可以selfie嗽yeahhhhh #跳躍生命線

A post shared by Joey Law 羅天宇 (@lawjoey) on

睇落三人非常老友,不時合照留念,大家笑得幾開心!

跳躍生命線今日開鏡拜神!😎 #大家加油呀

A post shared by Joey Law 羅天宇 (@lawjoey) on

前後腳入場睇戲

日前,有周刊除指羅天宇與陳瀅已暗撻半年外,更指日前二人相約周志文同劉佩玥一共四個人,個個前後腳入場睇戲,陳瀅更提早半個鐘離場!

🧞‍♂️

A post shared by Jeannie ♚ 陳瀅 (@missjni) on

男方親身咁回應

為求事實的真相,今日就有傳媒親身向羅天宇求証傳聞與陳瀅拍拖一事,而他回應表示不是與女方拍拖,但強調自己目前單身!

Finally found something that I'm good at 😎 📷: @howzda

A post shared by Joey Law 羅天宇 (@lawjoey) on

湯洛雯高調回應翻撻傳聞

湯洛雯與前男友羅天宇上年年底分手,雖然二人分手近大半年,但就有傳指羅天宇一直對靚湯念念不忘,而近日靚湯似乎對於ex嘅未了情有所回應,喺個人社交網上載一段歌詞,令不少網友都大估靚湯係想憑歌寄意!

湯洛雯

由於歌詞中提及「緣若盡了,就不該再重來」,難免令人會以為靚湯係想揮慧劍、斬情絲!為咁親証事件真偽,靚湯亦大方接受傳媒追訪,表示自己純粹認為首歌好聽,所以分享一下。

靚湯仲坦言話都知道有網友會對佢上載嘅相有所猜想,但佢笑指大家真的想太多了。

至於前男友羅天宇就冇正面回應翻撻傳聞,只係向傳媒表示對方都有話佢知,純粹只係覺得首歌好聽,並冇特別意思。但點解靚湯要同前度解釋?

而近日,靚湯就上載一張著住露膊裙嘅相,並同時留言問:「我可否做你的灰姑娘?」未知靚湯係咪已有心上人呢?

湯洛雯羅天宇《愛.回家》擦出愛火

湯洛雯首次演出的劇集《愛・回家》,當中佢飾演思思一角深受觀眾歡迎,清純鄰家女孩形象相信大家都仲記得。而靚湯亦因為此劇與飾演馬子仁的羅天宇傳出緋聞。雖然二人並冇正式承認,並一直聲稱了解中,但大家早已認定佢哋係一對!

湯洛雯
湯洛雯與羅天宇
湯洛雯
湯洛雯與羅天宇

堅稱「了解中」

靚湯與羅天宇一直了解中,期間多次被被傳媒拍到佢哋睇戲約會。雖然羅天宇有個外號叫「女神殺手」,但「靚湯」看來沒有介意,更力撐羅天宇好仔!

事關有報道指,羅天宇已經見過女方家長,而「靚湯」大讚羅天宇專一好仔,看來二人發展十分穩定。

湯洛雯吻賀壽星仔羅天宇

去年10月1日係羅天宇30歲生日,男人三十而立當然要好好慶祝,邀請多位圈中好友如陳瀅、劉佩玥及何廣沛等在其紅磡寓所開P。其中靚湯以女主人身分企正壽星仔身旁影相,連靚湯妹妹Cassandre亦有現身,可見兩家人關係融洽。而重點係,慶祝到興起之際,靚湯為捧著蛋糕的羅天宇送上深情一吻,冧爆一幕被拍下在網上流傳,男粉絲們真係心碎了!

湯洛雯與羅天宇分手

今年,繼姚子羚與男友分手後,原來表面上一直好sweet的湯洛雯同羅天宇都已經分手約四個月!羅天宇接受傳媒訪問時表示兩人係和平分手,分開後仍然有繼續聯絡同關心對方,希望大家俾啲空間佢哋。

傳羅天宇火速撻著陳瀅

雖然有指湯洛雯同羅天宇近半年無數次合合分分,經常嗌交,所以最終決定分開。不過事情似乎唔係咁簡單,因為據知有樣(ok啦)有家底的羅天宇近日俾鍾意同有錢人做朋友的陳瀅睇中,兩個人行得好埋,成日見面,唔知係咩關係啦!

陳瀅早前喺大排檔拍「挑戰發呆1分鐘」影片時,據知唔少人都見到羅天宇亦在場,新歡舊愛都係粉絲萬千的靚爆女神,羅天宇真係唔簡單呀!羅天宇亦有對此回應,稱其實當日係一班人食飯,仲話唔好意思累咗陳瀅喎…

講返陳瀅,唔少人覺得佢靚女得嚟又唔係一般大眾臉,反而有一種奸奸哋、姣姣哋嘅感覺,更令人欲罷不能;另外身材好得嚟又唔係四肢勁纖細,而係較圓潤、有肉地,正呀!