羅樂林

羅樂林為3位愛女願戒壞習慣 爸爸大壽女兒搞難忘驚喜派對!

今年71歲嘅羅樂林羅樂林入行近50年,演出近200部劇集,早前於TVB處境劇《愛回家之開心速遞》以大四喜Rap歌出場令觀眾大感意外。事實上,現實中嘅羅樂林卻係一位將事業、家庭皆照顧好嘅好爸爸!

撰文:東方新地|圖片:Instagram、電視截圖

今年將71歲嘅羅樂林最為人津津樂道嘅應該係24小時內喺5部劇集連環死5次,就連歐美澳十數個國家更用4種語言報導,令「死訊」成為國際新聞,因而成為TVB最有名嘅「御用死人」!

死亡時間 6/4/2011 20:30 《洪武三十二》- 朱元璋

羅樂林

死亡時間 6/4/2011 21:30 《女拳》- 莫平

羅樂林

死亡時間 7/4/2011 00:15 《七號差館》- 孫全

死亡時間 7/4/2011 11:45 《布衣神相》- 無相子

死亡時間 7/4/2011 14:50 《皆大歡喜》- 金華

另外,大家有睇TVB處境劇集《愛回家之開心速遞》就一定見過羅樂林,劇中飾演富豪爸爸龍敢威(大龍生)唔單止有3位太太之外,亦都有唔少年輕嘅女朋友相伴,而且「已知」嘅仔女一共有6個,一家可謂相當熱鬧!

現實中,羅樂林嘅大女同二女SaSa、Adrienne係與前妻所生,隨後再與陳寶儀(現為前妻)結婚而誕下細女羅苡之(Tisha)。

N

雖然同兩位太太都離咗婚,但仍無阻羅樂林與3位寶貝女嘅感情。羅樂林為咗3個女,更決心將所有壞習慣都戒,例如煙、打麻雀等,一戒就30年!不過,唯一無戒到嘅係酒,因為有時會同一家人飲吓酒,高興下!

上年羅樂林70歲大壽,3個女特別製造驚喜生日派對為爸爸慶祝,瞞住爸爸約咗一班爸爸嘅好友到場,就連羅樂林都話:「絕對係我71年人生以來最驚喜一次,佢哋竟然約晒我最好嘅朋友,仲要全部人一齊瞞住我,實在太開心,所以幾個女真係好乖,好錫我呢個爸爸。」

就連蔡少芬都請到去爸爸生日。