羅毓儀

羅毓儀爆喊剖白分手真相男友多次被指「襯唔起」 網民:扮乜情傷

最新娛聞

廣告

27歲的TVB小花羅毓儀(Yuki)在2022《下流上車族》中飾演車蔓蔓一角成功彈起,最近又在新劇《神耆小子》中成功「升呢」做女一,風頭一時無兩。不過羅毓儀在感情方面就不太順利,兩個月前宣布與YouTuber Mike結束4年情。日前羅毓儀接受訪問時,更忍唔住爆喊剖白分手真相,不過網民們的反應就非常冷淡…

羅毓儀剖白分手真相

羅毓儀在入行後不久便與當時男友Mike一起經營YouTube頻道「咪咪Yuki觀察日記」,男方亦多次被網民狠批「襯唔起」Yuki,最後二人在今年3月正式宣布分手。

羅毓儀近日接受傳媒訪問時,提到與舊愛Mike分手的真正原因。羅毓儀指藝人生活麻煩,令二人無論在溝通、生活模式還是性格上都產生問題。起初以為二人能夠解決問題,但在拍攝《巾幗梟雄之懸崖》時經歷4個月Long D後就令問題變得一發不可收拾。

羅毓儀 Yuki在新劇《神耆小子》中與冼靖峰(Archie)有感情戲!(圖片來源:TVB)
Yuki在新劇《神耆小子》中與冼靖峰(Archie)有感情戲!(圖片來源:TVB
羅毓儀 羅毓儀與前男友Mike在今年3月宣布分手。(圖片來源:IG@yukyukyukee)
羅毓儀與前男友Mike在今年3月宣布分手。(圖片來源:IG@yukyukyukee)

羅毓儀爆喊指好唔開心

羅毓儀在訪問中續指自己即將28歲,想將更多時間放於拍劇上,而此問題亦令二人發生衝突。雖然Mike曾經提出願意付出時間解決問題,但羅毓儀就不想強逼對方改變自己,導致二人最後分手。羅毓儀講講吓更忍唔住爆喊,指分手後好唔開心,畢竟大家相處咁多年,陪大家經歷過好多嘢,但可惜一切已經返唔到轉頭。

羅毓儀 羅毓儀接受訪問時忍不住爆喊,指分手後好唔開心。(圖片來源:TVB)
羅毓儀接受訪問時忍不住爆喊,指分手後好唔開心。(圖片來源:TVB

網民反應冷淡:扮乜情傷

雖然羅毓儀爆喊剖白分手真相,但網民的反應就非常冷淡。不少網民都認為羅毓儀消費前度,又話佢扮情傷,實質就係嫌Mike窮,所以先分手:「而家咪咪不知幾開心,呢種女人不要也ba」、「尊重前任唔好消費人哋,博見報」、「勸Yuki唔好主動提及前度,並唔係要你絕倩,而係有太多人最鍾意睇人仆X,你越提及前度就越多流言!同埋你經常講起,只會影響佢Youtube發展,到時連朋友都做唔成,大家努力工作就可以!」、「扮乜情傷,嫌人窮啫,分咗手即刻刪埋男方相同unfollow」、「以前又唔見佢分,因為開始上位,就嫌棄人哋,咁真實答案唔講得,點都要扮好人,如果佢冇拍下流上車族,令人認識咗,我又唔信佢會分手呀,咪繼續做 youtuber」等。

羅毓儀 羅毓儀與男友Mike以前不時都會放閃。(圖片來源:YouTube頻道「咪咪Yuki觀察日記」圖片)
羅毓儀與男友Mike以前不時都會放閃。(圖片來源:YouTube頻道「咪咪Yuki觀察日記」圖片)
羅毓儀 網民覺得羅毓儀分手後借消費前度搏上報,大家都反應非常冷淡。(圖片來源:YouTube@咪咪Yuki觀察日記 截圖)
網民覺得羅毓儀分手後借消費前度搏上報,大家都反應非常冷淡。(圖片來源:YouTube@咪咪Yuki觀察日記 截圖)

羅毓儀拍拖4年 以情侶檔拍片

羅毓儀自2019年加入TVB,憑藉其童顏和可愛的外表迅速在觀眾心中留下深刻印象。在2022年的劇集《下流上車族》中飾演車蔓蔓一角,更是讓她的人氣急升,成為矚目焦點。除了在TVB的演出外,Yuki和Mike還一同經營著YouTube頻道「咪咪Yuki觀察日記」,以情侶檔的形式分享生活點滴,贏得了一大批忠實粉絲。

在TVB獲得重要角色之前,Yuki在網絡界已經小有名氣。兩人交往4年,不僅在鏡頭前甜蜜合作,私下裡也有著共同的興趣愛好。兩人都是日本動漫的忠實粉絲,經常一起出席動漫節,並扮成各種動漫角色現身;另外又組成了業餘樂隊MochiIce,Yuki擔任結他手,而Mike則是鼓手,兩人經常一起演出。

羅毓儀 Yuki和Mike還一同經營著YouTube頻道「咪咪Yuki觀察日記」,以情侶檔的形式分享生活點滴,贏得了一大批忠實粉絲。(圖片來源:YouTube頻道「咪咪Yuki觀察日記」圖片)
Yuki和Mike還一同經營著YouTube頻道「咪咪Yuki觀察日記」,以情侶檔的形式分享生活點滴,贏得了一大批忠實粉絲。(圖片來源:YouTube頻道「咪咪Yuki觀察日記」圖片)
羅毓儀 二人拍拖4年 ,期間合體拍YouTube片,關係十分公開,內容不避嫌介紹情人節同住酒店兼互送禮物,十分親密。(圖片來源:YouTube頻道「咪咪Yuki觀察日記」圖片))
二人拍拖4年 ,期間合體拍YouTube片,關係十分公開,內容不避嫌介紹情人節同住酒店兼互送禮物,十分親密。(圖片來源:YouTube頻道「咪咪Yuki觀察日記」圖片))
羅毓儀 (圖片來源:IG@yukyukyukee)
(圖片來源:IG@yukyukyukee)

網民曾批男方「襯唔起」女神多次被攻擊容貌

儘管有網民曾評論Mike「襯唔起」女神Yuki,但Yuki曾公開力撐男友,大讚他「超級靚仔有型有才華又可愛」。然而,好景不常,Yuki在3月4日於個人IG限時動態中用黑底白字的方式宣布,她與Mike已經在幾個月前分手了。她向粉絲解釋說:「因為我地(哋)都需要時間沉澱所以冇第一時間通知大家」。她還向粉絲保證,雖然分手,但兩人依然是朋友,樂隊也會繼續運作。

YouTube頻道將改名

至於他們合營的YouTube頻道「咪咪Yuki觀察日記」,Yuki表示將會進行改名。這個頻道見證了兩人的甜蜜時光,也是他們與粉絲互動的平台。改名後的頻道將會帶來怎樣的內容,成為粉絲關注的焦點。

網友翻出分手導火線

另一方面,有眼利網友發現其實分手早有徵兆,事緣在8個月前二人一齊拍片,網友發現Yuki要身水身汗追電車時,不時黑面,疑似不滿男友得安排。

羅毓儀 網友發現Yuki身水身汗追電車時,不時黑面,疑似不滿男友得安排。(圖片來源:YouTube頻道「咪咪Yuki觀察日記」圖片)
網友發現Yuki身水身汗追電車時,不時黑面,疑似不滿男友得安排。(圖片來源:YouTube頻道「咪咪Yuki觀察日記」圖片)

撰文:東方新地圖片來源:IG@yukyukyukee、YouTube頻道「咪咪Yuki觀察日記」圖片、TVB