房署署長羅淑佩被指公然追星 被影到跟實Ian陳卓賢入機場拍節目
廣告
男團MIRROR魅力沒法擋，連政府高層都是粉絲之一！Ian陳卓賢上星期六（9日）在機場拍攝節目引起大批粉絲到場「追星」，有網民在當日的影片中發現，上月剛剛升任做房屋局常任秘書長兼房屋署署長的羅淑佩竟然亦在場，引起網民熱烈討論！
羅淑佩全程跟實Ian
有網民發現，當日Ian在機場拍攝的時候，有不少鏡頭都影羅淑佩的身影。從影片中所見，羅淑佩全程含情脈脈望住Ian，亦一直緊隨其後，雖然2人之間保持住一段距離，但她已經心滿意足，嘴角不時掛着一絲微笑，難掩興奮之情。
曾公開對Ian「示愛」
55歲的羅淑佩於今年7月仍是運輸署署長時接受電台訪問，提起Edan呂爵安電召的士的不快經歷時自爆是Ian的粉絲：「我唔係『爵屎』，我係『Hellosss』嚟嘅！」她當時亦提到之所以喜歡Ian，是因為Ian聽媽媽的話「唔揸快車」：「呢個小朋友實在太好啦，除咗識作曲又打過港隊排球，應該支持吓！」
網民意見兩極
有網民指出，當日正正是黑雨引起各區水浸的翌日，作為房屋局常務秘書長兼房屋署署長的她卻去了追星並不恰當：「8號黑雨全港各區屋宇水浸，然後9號佢去追星」、「幻想下你屋企都水浸，包括你架車，然後署長就袋住60幾萬一個月唔理你架屋，去咗追星」、「高官唔應該有呢種追星行為」。
亦有不少網民表示高官都是人，對於她的追星行為表示支持：「幾好啊，夠貼地」、「休班追星冇犯法既」、「冇濫用職權去追星就無所謂啦」、「放咗工， 自由時間， 又唔影響工作」。
房屋署回應力撐
房屋署今日（13日）表示，羅淑佩當日參與活動時是她的工餘私人時間，對於她個人在公餘時間的活動不作評論：「有關活動9日傍晚6至7時左右舉行，當時並非工作時間。」房屋署又指，羅淑佩於上周黑雨期間一直於辦公室工作，全力督導黑雨後的公共屋邨善後工作。
維基百科資料被改
有網民將羅淑佩的Wiki資料更改，將她本來的職位「房屋局常任秘書長兼房屋署署長」變成「房屋局常任秘書長兼房屋署署長兼Ian粉絲」，可見她的Ian粉絲身份已根深蒂固，得到外界認同！
撰文：東方新地圖片來源：政府新聞處、YouTube@香港電台公共事務組RTHK、IG@iancychan、IG@Ian__koalabb、IG@_IANFANS
