宅男噴血啦！美女學徒程美段Kiwi爆乳兔仔裝現身動漫節
廣告
一年一度嘅動漫節又開鑼啦！每年都有唔少靚女會玩吓Cosplay，Game Girls們又會晒吓身材，吸引大批「龍友」入場！日前會場就出現咗個熟口熟面嘅性感美女，著住低胸露腰嘅上衣同熱褲，爆乳登場，仲戴埋隻兔仔耳添！原來佢係美女廚房學徒程美段Kiwi，Kiwi就懶理無綫禁令，話自己著到咁少布去動漫節「行下街」喎！
撰文：東方新地 ｜ 圖片：Instagram、微博有傳無綫早前下令，一眾美女學徒都不得性感、不得接Job，以保形象，但係今次Kiwi就話自己冇特別通知TVB，純粹自己去行下動漫展，唔係做嘢。之後又喺Instagram上傳自拍，咁高調，睇嚟真係唔怕會入雪櫃咁款喎！
Kiwi話自己係著得特別啲，但又唔係唔健康，覺得幾可愛吖，而件衫都唔係露胸，只係件露腰嘅平頭一字膊咋嘛！係囉，有道理啊，又冇Deep V又冇透視，係少布啲環保啲！
但講真，比著其他人著同一件衫就未必可以有呢個效果喇⋯⋯Kiwi有睇頭得嚟又係幾有諗頭嘅～怪唔得之龍友們咁興奮啦！
其實本身Kiwi都唔吝嗇喺Instagram度同大家開心Share佢啲性感靚相㗎！之前仲影過輯藝術全祼寫真添！
Kiwi雖然喺香港土生土長，不過原來本身係中菲混血兒！爸爸係香港人，而媽媽就係菲律賓人。
