《美女廚房》 美女學徒晒腿登場 邊個會跑出做女神？
廣告
新一輯《美女廚房》下個月有得睇！觀眾除了好期待有邊位女藝人上去大展「廚藝」外，一眾美女學徒中有大台小花、前港姐及模特兒等等，整體質素相當高，今日節目主持之一的蕭正楠及張振朗聯同18位美女學徒出席宣傳活動，全部靚女一律短裙仔晒長腿，一於認識吓佢哋！
撰文：東方新地｜圖片：新傳媒、Instagram
美女廚房，食咗先講！
「美女廚房，食咗先講！」新一輯《美女廚房》將於6月2日首播，今日蕭正楠及張振朗聯同18位美女學徒出席宣傳活動，全部靚女清一色著上廚師制服，配襯灰色格仔超短裙，美女長腿一字排開，果真目不暇給，超壯觀！
伍樂怡自信十足
2017年落選港姐伍樂怡(Kelly)雖然去年三甲不入，不過頗受網民歡迎，今次成為美女學徒之一，Kelly表示自己喺加拿大時都經常下廚，三餸一湯無難度，節目中則會以「開心果牛油果焗三文魚」參賽！
王卓淇變眼鏡娘晒腿
大台小花王卓淇，2014年港姐亞軍，出晒名有對白滑長腿，最近佢染咗一頭啡金頭髮成個日本妹咁，再戴上眼鏡變「眼鏡娘」，煮唔煮得就未知，但肯定好睇得！
煎pang嫂出場
2016年落選港姐單文柔，最出名的身份當然係陳展鵬女朋友，佢廚藝如何就要問問煎pang啦！
邱晴
大家仲記唔記得佢？邱晴喺2017年時以17歲之齡參選港姐，雖然最終未有任何獎項，不過高大身型及可愛甜美笑容都令人留下深刻印象！
羅堃尉
羅堃尉(Karen)，本身係一位專業模特兒，亦為2012年FACE大專校花校草選舉冠軍，唔少廣告都有佢芳蹤！睇番其社交網站，Karen除了有靚樣，身材都好有睇頭㗎！
洛兒
外貌標緻、笑容甜美的洛兒本身係一位夜場DJ，之前亦有客串劇集及於多本雜誌中亮相，早前招募活動時已被阿Bob睇高一線，大讚佢靚女！
阮嘉敏
阮嘉敏曾參加2016年港姐競選，及後擔任《東張西望》主持而為人認識，身樣貌身材都幾有睇頭！
陳晨
陳晨(Elsie)曾參加去年港姐面試，可惜未能入圍，之後都係專注模特兒工作。今次成功躋身為美女學徒之一，都算係加入娛樂圈第一步！
