《美女廚房》大招募美女學徒邊個最正？

Apr 22 - 21:35

無綫相隔九年推出新一輯《美女廚房》，日前蕭正楠、林盛斌(Bob)及高海寧等人主持「美女學徒招募行動」，參與面試的19位美女可謂各有特色，小編就精選其中幾位高質靚女出嚟，搵好晒靚相俾大家欣賞！大家至like邊個呢？

撰文：東方新地｜圖片：東方新地、Instagram

《美女廚房》大招募

新一輯《美女廚房》好快有得睇，今輯節目換上蕭正楠、阿Bob及張振朗做主持，同時又會招募一班美女學徒，日前舉行的「美女學徒招募行動」， 19位美女都盛裝出席，各有各的靚，小編就精選其中幾位高質靚女出嚟，搵好晒靚相俾大家欣賞！

首先介紹一下19號樂宜，主持人阿Bob都大讚佢靚女，節目未出已經覺得佢勝算高！外脫標緻、笑容甜美的樂宜本身係一位夜場DJ，之前亦有客串劇集及於多本雜誌中亮相，IG有成12萬粉絲呢！

11號美女Karen Law(羅堃尉)，本身係一位專業模特兒，亦係為2012年FACE大專校花校草選舉冠軍，唔少廣告都有佢芳蹤！睇番其社交網站，Karen除了有靚樣，身材都好有睇頭㗎！

1號美女Elsie Chan，中文名陳晨，心水清的朋友可能仲記得佢曾經參加去年港姐面試，而近年佢都係專注模特兒工作。

12號參加者Homan Ho，外表斯斯文文幾有文青feel，不過原來佢係一位習武之人，仲喺台灣參加武術比賽攞過冠軍！

7號Crystal Law羅芷君，之前接拍過唔少廣告，外表靚女又鬼鬼哋，身材仲好弗！

8號Haley Chan，原來係2017年香港珠寶小姐！

13號Yoki Tong呢日衣著夠晒出位，原來佢早兩年參加港姐面試，仲要未入圍就爆出有人以20萬邀請佢出席富豪飯局！