《美女廚房》新主持陣容被插 網民話不如搵佢哋啦…
廣告
日前「香港國際影視展」中，TVB宣布之後有一系列綜藝節目播出，其中最受注目一定係《美女廚房》再度歸來！大家應該都記得多年前《美女廚房》大受歡迎，不過今次全新一輯將會換上林盛斌(Bob)、蕭正楠以及張振朗做主持，唔知效果能否比得上那些年第一輯？不過，節目未出街，已經有網民話見到阿Bob都唔想睇…
撰文：東方新地｜圖片：新傳媒
《美女廚房》成集體回憶
《美女廚房》係TVB經典綜藝節目之一，當年播出時極受歡迎，集集睇到觀眾笑爆嘴，成為一代人的集體回憶。節目由鄭中基、梁漢文及方力申三人主持，除了無綫藝人、仲有唔少影星天后都上過節目晒「廚藝」，可謂星光熠熠。
鄭中基 梁漢文 方力申夠口賤
《美女廚房》令觀眾笑爆嘴，除了因為一眾美女落力炮製的地獄料理令人忍唆不禁外，三位主持的賤嘴絕對居功至偉，佢哋可謂毫無保留去數落女嘉賓，仲會經常食到流眼淚、食到嘔等，令節目氣氛提升至更高點。其中方力申「假㗎啲奶！」、梁漢文「真係有屎味㗎！」都係經典～
阿Bob 蕭正楠 張振朗做新主持
日前「香港國際影視展」中，TVB宣布會開拍新一輯《美女廚房》，並會由林盛斌(Bob)、蕭正楠以及張振朗做主持。蕭公子表示自己做主持係零經驗，不過都會努力去為觀眾帶來歡樂。而阿Bob就話喺一廠做大騷係佢一直以來的心願，又指對比起以往三位主持，佢同蕭公子、張振朗都唔係咩好人！會繼續賤賤格格。
被插太嘈 阿Bob：努力改善
對於唔少網民批評講嘢太大聲、太浮誇，阿Bob表示一直有留意網民的意見，無論正面負面都會接受，自己正一步一步去努力改善，希望觀眾同網民都會對佢改觀！
唔少網民睇到阿Bob、蕭正楠以及張振朗呢個新主持組合都批評唔多掂，話不如由以下藝人做主持啦！大家又點睇？
森美、小儀
Do姐、農夫
王祖藍 阮兆祥 李思捷
延伸閱讀：
黎明認戀女助手 狗年做老竇
方力申與女友Maple Yip感情發展迅速？
方力申日前在出席活動時，公開回應自己與邪教性侵受害者Maple Yip的緋聞，不但大方承認戀情，更提及雙方家長⋯⋯詳情請看
方力申女友Maple Yip為何加入了邪教？
Maple Yip曾經在2022年3月現身南韓一個反邪教組織舉行記招，當中她提到於2011年時自己還是高中生，因感覺生活空虛，在銅鑼灣被攝理教教徒⋯⋯詳情請看
