YEUNG

群星拱照 楊證樺 沈可欣婚宴

無綫「綠葉王」楊證樺與太太沈可欣去年8月結婚,終在昨日筵開28席補擺婚宴,兼同兒子楊宏志(Eugene)舉行百日宴,認真雙喜臨門!

二人於圈中人緣極佳,除搵來楊明擔任伴郎之外,多位紅星亦到場慶賀,有黎耀祥、唐詩詠、朱千雪、王浩信、袁偉豪、蔡思貝等,絕對群星拱照!

努力搵奶粉錢

楊證樺透露最近要開三部劇,所以婚禮細節由太太一手包辦:「辛苦太太,有晚見佢一路編排座位一路瞓,我就梗係要努力啲搵奶粉錢啦。」

愛的宣言冧爆

楊證樺表示將跟太太影多一次婚紗相及補度蜜月作為獎勵!又即場向太太講愛的宣言:「老婆,I love U!在心中。」沈可欣冧爆錫老公一啖,並說:「多謝。」

唐詩詠未有結婚計劃

問到何時結婚,隻身赴會的唐詩詠笑言:「開始要少啲參加婚宴喇!我唔會因為去得多婚宴而決定趕快結婚,不過都好戥佢哋高興,結婚之餘又生咗BB。而且我哋未開始有呢個諗法,依家嘅女仔好叻㗎喇,唔同以前一定要set幾多歲前要生小朋友,俾多啲時間做多啲自己想做嘅嘢。」

朱千雪
朱千雪
賴蔚玲、蔡思貝
賴蔚玲、蔡思貝

楊明未打算做老襯

而伴郎楊明亦被追問何時娶莊思明,他表示:「每個人都行到呢一步,但未去到咁遠,最重要開心。」

袁偉豪、林夏薇、敖嘉年
袁偉豪、林夏薇、敖嘉年
楊凱潮、王浩信
楊凱潮、王浩信

其他星客

黎耀祥
黎耀祥
鄭俊弘
鄭俊弘