12d2f53e-5575-459d-8815-08fde15f5801

聲夢傳奇|泳兒獨門技巧傳授冼靖峰Archie 教唱歌變按摩﹗?

最新娛聞

《聲夢傳奇》周一(19日)總決賽,昨晚(17日)播出尾二一集,這集輪到學員冼靖峰(Archie)跟何晉樂(Rock)對決,比賽前,導師泳兒教冼靖峰獨門高音技巧,但竟由教唱歌變成泳兒為Archie按摩﹗?泳兒笑言 :「佢個樣好鬼梳乾﹗」

文:東方新地|圖:EEG圖片

《聲夢傳奇》周六(17日)播出尾二一集再淘汰一人,能否順利進入總決賽,周六晚比賽成了關鍵,這集輪到學員冼靖峰(Archie)跟何晉樂(Rock)對決, 觀乎多集以來的表現,加上以往挑選的歌曲都甚有難度,如李克勤的《飛花》,Archie一直以來唱功平穩,絕對是大熱人選之一。而這次大會指定二人的PK曲目為張學友的《怎麼捨得你》。

《聲夢傳奇》Rock同Archie唱出張學友的《怎麼捨得你》去battle﹗(圖片來源:冼靖峰IG)
《聲夢傳奇》Rock同Archie唱出張學友的《怎麼捨得你》去battle﹗(圖片來源:冼靖峰IG)

《聲夢傳奇》導師泳兒指導Archie

比賽前,導師泳兒(Vincy)負責指導Archie,雖然Archie唱功一直四平八穩,但Vincy表示Archie唱歌時太多「味精」,練習時亦主要從這方面著手,「方向就係想佢唱嘅時候,唔好咁多『味精』,因為佢比較鍾意加好多adlib,會俾人覺得太花巧、唔夠真摯,同埋佢比較多哭腔,希望可以減少啲。主要係想佢簡單啲,從個心出發,用好簡單、好純粹嘅感情出發去感動人。」

《聲夢傳奇》導師泳兒指導Archie時,希望他能減少過多的「味精」﹗(圖片來源:EEG圖片)
《聲夢傳奇》導師泳兒指導Archie時,希望他能減少過多的「味精」﹗(圖片來源:EEG圖片)
Archie與泳兒﹗(圖片來源:EEG圖片)
Archie與泳兒﹗(圖片來源:EEG圖片)

練習時,泳兒為咗令Archie更容易、更順暢上到高音,泳兒便使出她「獨門」招數—掹耳仔,她解說:「點解要掹佢耳仔,係因為我想佢唱嘅高音可以多啲support,掹佢耳仔啲高音可以掟得遠啲。」同時,泳兒亦留意到Archie唱歌時習慣性地縮膊,所以練習時不停把他的膊頭按下,泳兒笑說:「睇番啲相,佢個樣好鬼『梳乾』,感覺好似我幫佢按摩緊。」

聲夢傳奇|泳兒獨門技巧教冼靖峰Archie 教唱歌變按摩﹗?
泳兒呢招掹耳仔,有助唱高音,Archie對泳兒呢招獨門秘方,好受教又受用﹗(圖片來源:EEG圖片)
聲夢傳奇|泳兒獨門技巧教冼靖峰Archie 教唱歌變按摩﹗?
泳兒掹住Archie耳仔練高音技巧,Archie似被泳兒按摩一樣勁淘醉,場面搞笑﹗(圖片來源:EEG圖片)

泳兒教完唱歌技巧練體能

除此之外,泳兒亦將練習室變成健身室,現場跟Archie一起做plank,「其實主要係練吓用腹嘅肌肉嚟幫助佢唱歌。」教唱歌還要落手落腳跟學員齊齊「做gym」,這位導師認真唔話得。而在昨晚的比賽中Archie跟Rock二人雙雙順利殺入最後五強。最後二人分別以12、13分順利打入總決賽,當晚文凱婷被foul。

聲夢傳奇|泳兒獨門技巧教冼靖峰Archie 教唱歌變按摩﹗?
泳兒即時示範﹗(圖片來源:EEG圖片)
聲夢傳奇|泳兒獨門技巧教冼靖峰Archie 教唱歌變按摩﹗?
在泳兒指導下,Archie掹住耳仔唱高音﹗(圖片來源:EEG圖片)
聲夢傳奇|泳兒獨門技巧教冼靖峰Archie 教唱歌變按摩﹗?
泳兒同Archie一齊練體能﹗(圖片來源:EEG圖片)
泳兒與學員感情要好﹗(圖片來源:EEG圖片)
泳兒與學員感情要好﹗(圖片來源:EEG圖片)

讀者留言