聲生不息

聲生不息|李克勤瞓身編曲加入舊作元素 惹觀眾共鳴奪「最佳獨唱歌曲獎」

最新娛聞

廣告

由芒果TV及無綫聯合製作的音樂真人騷節目《聲生不息》第九集,上一集的獨唱、合唱大混戰是李克勤主場,這集便輪到楊千嬅獨唱、合唱大混戰的主場,主題依然是「港樂與我的葡萄成熟時」。上集克勤與單依純合唱,今次克勤solo演出,演繹黃凱芹的《雨中的戀人們》。

聲生不息 李克勤專登去搵琴鍵手Andy傾編曲
李克勤專登去搵琴鍵手Andy傾編曲(圖片來源:官方提供)

李克勤瞓身編曲加入《深深深》元素

由於是獨唱關係,所以這次克勤從編曲上着手,「比賽前一個禮拜,我特登去咗琴鍵手Andy住嘅酒店房,一齊傾吓對隻歌嘅睇法。其實Andy係以前同我做開海外演唱會,或者我自己演唱會tour嘅琴鍵手,所以基本上大家都好有默契。」克勤提到重新編過的《雨中的戀人們》當中有幾個特別的地方,「最後我哋溝思,用咗好多《深深深》嘅元素,擺咗落去呢首歌鋼琴部份,《深深深》呢首歌算係我比較早期有代表性嘅作品,希望可以引起觀眾嘅共鳴;

聲生不息
(圖片來源:官方圖片)

加埋英文歌《Raining days never say goodbye》首尾呼應

第二,我哋用咗一隻八十年代一首英文歌《Raining days never say goodbye》擺落首歌的music break;最後,用番凱芹嘅歌《傷感的戀人》當中的『風中雨點沾濕了身』作為表演結尾,作出一個首尾呼應嘅感覺。」以多首歌曲的旋律加入比賽歌曲中,再重新演繹,可以克勤在編曲上的確花上不少心思。難怪最後《雨中的戀人們》奪得「最佳獨唱歌曲獎」。

聲生不息 李克勤奪得「最佳獨唱歌曲獎」
李克勤奪得「最佳獨唱歌曲獎」(圖片來源:官方圖片)

曾比特將「彌敦道」搬上舞台

每次演出均有亮眼表現的 Mike,這次夥拍毛不易(毛不易)合唱《彌敦道》,PK 克勤《雨人的戀人們》。雖然 Mike 與毛毛性格一動一靜,但合唱時夾到無論,而二人的演唱舞台 「港式冰室」更因夠大型兼夠像真獲歌手一致好評,筆筆笑言:「舞台好香港」, 劉惜君則謂:「成條街搬晒上台,好有場景感。」由於 Mike 及毛毛已轉為千嬅隊成員,對 於昔日愛將「倒戈」,克勤搞鬼地做出難過及無奈狀;三人與主持何炅及王祖藍更拿 「天然呆」毛毛做話題,Mike 大爆毛毛因與李玟互動多了而變得多話,毛毛隨即展 示「毛式冷笑話」,令克勤及祖藍等人笑破肚皮。不過最後都係不敵李克勤!

全場大合唱《紅日》

節目尾聲,眾歌手一起合唱這一場「觀眾選擇金曲」—李克勤的《紅日》。由於這環節的歌曲是由觀眾投票選出,過去集數所選出的歌曲均沒有原唱者在現場,這次是首次有原唱者同台演出,同時亦將現場氣氛推上高峰,克勤表示:「多謝投票俾呢首歌嘅觀眾,真係好榮幸。」為這一集畫上完美句號。

一聽到李克勤唱「啊~啊~啊吖啊呀哦」,全場High爆:

「港樂與我的『葡萄成熟時』」主題競演圓滿結束,李克勤帶領全體隊員與全場觀眾一齊合唱佢嘅經典金曲《 紅日 》,熱烈炸場!即刻睇返完整純享版嘅精彩舞台啦!

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

撰文:東方新地圖片來源:官方提供資料或影片來源:MangoTV Music Channel、TVB (official)

讀者留言