肥媽探訪65歲王玉環4,600萬豪宅 皇宮級裝修配以仙境露台極誇張

最新娛聞

廣告

現時67歲的肥媽(Maria Cordero)近年開始減產,除了專注經營自己的煮食YouTube頻道之外,有時間就做吓瑜伽,亦都會同朋友聚聚。最近她就造訪「殭屍片天后」王玉環的「皇宮級」豪宅,仲睇到佢嘩嘩聲超驚喜!

撰文:東方新地 |圖片:肥媽YouTube、王玉環小紅書

王玉環轉行勁富貴

現時65歲的王玉環自從轉戰保險業後,據聞每年過千萬收入,生活絕對唔使愁!而她所住的地方亦位於傳統豪宅區別,坐立沙田半山被山林包圍,全屋約2,600呎,價值逾4,600萬。

 王玉環屋企嘅佈置相當豪華。
王玉環屋企嘅佈置相當豪華。(圖片來源:王玉環小紅書)

皇宮級別的裝修

王玉環的豪宅雖然唔係億億聲,但室內裝修就的確夠晒誇!日前肥媽登門造訪,探訪過程間不斷「嘩嘩聲」,仲大叫「成個皇宮咁呀!」但其實肥媽形容得絕不誇張,室內裝修設以米白色歐式風格為主,客、飯廳又有大型水晶吊燈,而且大小型傢具都非常精緻、優雅,極盡奢華!加上房間每個角落都有大量鮮花布置,仿如置身歐式皇宮,王玉環透露過每次都會花上8小時插花。

 真係好奢華。
真係好奢華。(圖片來源:肥媽YouTube)
 房又有花。
房又有花。(圖片來源:肥媽YouTube)
 啲用具都好優雅。
啲用具都好優雅。(圖片來源:王玉環小紅書)
 好奢華。
好奢華。(圖片來源:王玉環小紅書)
 百對高踭鞋,幾乎將美劇《慾望城市》女主角凱莉最愛的知名高級鞋履品牌MANOLO BLAHNIK包色。
百對高踭鞋,幾乎將美劇《慾望城市》女主角凱莉最愛的知名高級鞋履品牌MANOLO BLAHNIK包色。(圖片來源:王玉環小紅書)

仙境般的露台

除了室內,王玉環的豪宅露台位才是焦點所在,事關露台向山林景,被一片清幽的山林包圍,望遠少少仲有個小山谷,景色全年隨天氣變化,坐在露台仿佛置身仙境,天然打卡位,每個到訪嘅老友都必定在此影相留念!

 呢個露台真係好靚。
呢個露台真係好靚。(圖片來源:王玉環小紅書)
 呢個露台真係好靚。
呢個露台真係好靚。(圖片來源:王玉環小紅書)
 仙境一般。
仙境一般。(圖片來源:王玉環小紅書)
 肥媽都忍唔住打幾次卡。
肥媽都忍唔住打幾次卡。(圖片來源:王玉環小紅書)

讀者留言