胡杏兒

胡杏兒搵Coffee教瑜伽 呻拍《肥田囍事》變肥底

扮靚同keep fit永遠都係女人嘅終身事業,雖然胡杏兒同老公李乘德(Philip)都好心急再追多過B,希望可以三年抱兩,但keep fit大業胡杏兒都未有放低,近日佢就跟Coffee(林芊妤)學做瑜伽,又要做倒立又要做拱橋,睇見都戥佢辛苦,佢仲大呻自從12年前拍《肥田囍事》後已變肥底,想瘦番落嚟一啲都唔容易!

撰文:東方新地

圖片:新傳媒圖片庫、胡杏兒IGFB

胡杏兒拱橋倒立嗌辛苦

胡杏兒喺2015年同李乘德閃電結婚,未到兩周年結婚紀念,現年38歲嘅胡杏兒,已經成功幫三代單傳老公李乘德誕下囝囝Brendan(李奕霆),杏兒從來不諱言希望抓緊時間在40歲之前要生至少兩個。不過keep fit係女人嘅終身事業,為瘦身佢最近就跟住Coffee去學做瑜伽。不過話晒都有番咁上下年紀,胡杏兒做倒立同拱橋時都大呻辛苦,佢仲諗番起06年增肥到152磅拍《肥田囍事》時,每次做訪問記者都會問佢覺唔覺得自己犧牲好大,佢話自己當時每次都會回答:「又唔係唔俾我瘦返轉頭,唔俾瘦返就話大犧牲啫!」

胡杏兒
第三堂瑜伽胡杏兒已經要做head stand倒立。
胡杏兒
胡杏兒產後五個月其實已極速修身成功,但佢仍學做瑜伽,為keep fit大業不斷努力。
胡杏兒
胡杏兒話Coffee係魔鬼教練!佢仲狂呻話:「明明小時候做拱橋一點難度也沒有,現在為什麼這麼辛苦!!」

但依家相隔超過10年,胡杏兒話發覺其實當年拍《肥田囍事》真係有一定嘅犧牲:「因為我的身體再不能像以前那麼容易瘦回來,因為脂肪細胞已經膨脹了,到現在keep fit真的不是像以前那麼輕鬆。」不過杏兒話即使再揀一次都會再演「肥田」呢個角色,因為挑戰愈大,滿足感都愈大!

胡杏兒
胡杏兒晒出五個月大囝囝Brendan嘅cute爆照,話囝囝個樣似足士多啤梨,睇真啲,相片左邊仲見到靚媽胡杏兒對腳。
胡杏兒
上月情人節胡杏兒同囝囝sweet咀嘴,好溫馨。
胡杏兒
胡杏兒老公李乘德亦抱住囝囝同大家拜年,慈父樣出晒嚟。
胡杏兒
上月尾胡杏兒孖老公飛布吉參加婚禮,重溫未生仔前拍拖時嘅sweet日子。
胡杏兒
胡杏兒喺不經意間晒出谷奶好身材。
胡杏兒
胡杏兒仲大讚婚禮很美很感動,令佢諗番起自己同老公當年嘅婚禮。

胡杏兒老公 恨追多一個

早前胡杏兒夫婦為囝囝Brendan喺九龍塘一會所搞百日宴,大宴親朋好友,而杏兒老公仲喺Instagram貼咗張相,相中二人拎住印有Brendan唔同樣子嘅紙板,並喺Instagram留言話:「Hopefully we will have the chance to carry two real babies one day (好希望有一日我哋有機會抱兩個真嘅BB!)」老公開到口,杏兒追多一個,真係事在必行!

胡杏兒
胡杏兒夫婦喺九龍塘一會所搞百日宴,二人抱住囝囝個樣,一臉滿足!
胡杏兒
胡杏兒老公喺IG分享兒子百日宴嘅相,仲留言話恨有多一個BB!
胡杏兒
胡杏兒兩公婆拎住兩個紙板BB,希望夢想成真,可以三年抱兩!
胡杏兒
當晚無論場地選址、回禮嘅小曲奇、場地嘅氣球布置等等、全部由胡杏兒全權策劃及精心安排。睇真啲布置同主題仲係森林動物,好cute喎!

胡杏兒

胡杏兒
胡杏兒幫主角囝囝打扮成黑白小紳士,同爹哋襯埋父子裝,自己就一身迷人Pink Lady現身,勁搶眼。
胡杏兒
囝囝扭眼瞓,胡杏兒就四圍招呼朋友,預咗囝囝未必撐足全場,杏兒預備了多個大型BB紙版,畀來賓任影唔嬲,又安排即影即服務,安排夠晒貼心﹗
胡杏兒
胡杏兒幫囝囝擺百日宴,胡說八道會班契媽又點可以錯過?
胡杏兒
平時其實聚會、上門已經見唔少契仔,估唔到胡定欣同姚子羚為咗幫好姊妹胡杏兒撐場,都係收工趕番嚟,胡定欣仲係偷走、個頭仲係《包青天再起風雲》個古裝look㖭!呢啲咪誠意囉!