胡杏兒

胡杏兒囝囝眨眼半歲大 Cute爆擺甫士晒萌樣

上年年底,藝人胡杏兒誕下囝囝李奕霆(Brendan),眨眼間心肝寶貝已經六個月大。近日,杏兒上載了Brendan的近照,咪睇佢得半歲大,人仔細細已經好識擺甫士,望住鏡頭晒萌樣,一定係遺傳了媽媽的演藝細胞啦!

撰文:東方新地|圖片:Instagram

胡杏兒囝囝Brendan六個月大

胡杏兒近日就同半歲大的囝囝Brendan影相留念,相中見到眼仔碌碌的Brendan已經識望住鏡頭,兼擘大個口扮驚訝,相當鬼馬!另外,更睇到佢隻手仔肥嘟嘟,相當可愛!杏兒透露六個月大的Brendan,現在身高70cm,仲有成廿磅重,果然重手。但大家唔使擔心,因為杏兒話據醫生所講,廿磅重的Brendan依然屬很健康。

半歲大,眼仔碌碌的Brendan。
三個月大的Brendan。

胡杏兒老公唔執輸

而杏兒老公李乘德(Philip)亦都唔執輸,同樣上載另一張寶貝仔的照片。相中見到Brendan坐喺度,有啲頭髮豎起,笑得開心之餘,個樣仲好趣緻!李乘德更表示Brendan好好湊,成長過程好順利,除咗瞓得食得同屙得外,又唔怕陌生人,去抱佢仲會笑㖭!

李乘德(Philip)最新上載的另一張Brendan的照片。

之前,李乘德喺農曆新年同仔仔Brendan一齊影的照片。

胡杏兒老公 恨追多一個

之前,杏兒夫婦喺九龍塘一會所為Brendan搞百日宴,杏兒老公貼咗張相,並喺Instagram留言話:「Hopefully we will have the chance to carry two real babies one day (好希望有一日我哋有機會抱兩個真嘅BB!)」睇嚟佢哋真係心急追B喎!

胡杏兒
胡杏兒夫婦喺九龍塘一會所搞百日宴,二人抱住囝囝個樣,一臉滿足!
杏竹老公喺IG分享兒子百日宴嘅相,仲留言話恨有多一個BB!

當晚無論場地選址、回禮嘅小曲奇、場地嘅氣球布置等等、全部由杏兒全權策劃及精心安排。睇真啲佈置同主題仲係森林動物,好cute喎!

杏兒化身Pink Lady

杏兒幫主角囝囝打扮成黑白小紳士,同爹哋襯埋父子裝,杏兒自己就一身迷人Pink Lady現身,勁搶眼。

囝囝瞓不停

囝囝扭眼瞓,杏兒就四圍招呼朋友,預咗囝囝未必撐足全場,杏兒預備了多個大型BB紙版,畀來賓任影唔嬲,又安排即影即服務,安排夠晒貼心﹗

原來江美儀都有去!

胡說八道會都有去

杏兒幫囝囝擺百日宴,胡說八道會班契媽又點可以錯過?平時其實聚會、上門已經見唔少契仔,估唔到胡定欣同姚子羚為咗撐場,都係收工趕番嚟,胡定欣仲係偷走、個頭仲係《包青天再起風雲》個古裝look添!呢啲咪誠意囉!

經濟百日宴

第一次做媽媽第一次搞百日宴,一向貼地務實的杏兒都係選擇中價私人會所,而不是為場面選擇五星級大酒店。地點位於九龍塘,方便男家沙頭角親友,地點又夠私隱唔怕被傳媒粉絲打擾。而酒菜和人數,最低消費係約16圍酒每圍六千大元包酒水,夠晒實惠!

杏兒一個月前開始籌備,同老公Philip齊齊去到九龍塘睇場傾細節。
宴會場地布置別緻又雅觀,合晒杏兒要求,不過就僅僅可擺16圍酒,睇怕Brendan百日宴賓客要嚴選至夠坐。
場地有分室外室內又有小酒吧,入場費起跳每圍五千蚊。

延伸閱讀:

林子善補擺喜酒 眼濕濕講愛的宣言