胡杏兒

胡杏兒與王祖藍大爆秘密 重提曾與某男演員拍咀戲後即嘔

最新娛聞

廣告

由王祖藍擔任主持、一連八集的全新綜藝節目《大班冰皮月餅呈獻:有個閨密叫祖藍》,昨晚(7日)十點半在無綫翡翠台播出第二集,當集嘉賓胡杏兒(Myolie)除了例牌與主持祖藍玩遊戲外,更自爆過去經歷,指自己在某套時裝劇中同某男演員拍咀戲,結果胡杏兒被咀完後即場嘔餐懵,諗起都尬尷。

胡杏兒 黃浩然 祖藍私下與杏兒私交甚篤:「真係要多謝你,每次娘家搵你,你都好幫手。」
祖藍私下與杏兒私交甚篤:「真係要多謝你,每次娘家搵你,你都好幫手。」(圖片來源:TVB)

胡杏兒似隻「牛」

在節目上,王祖藍談起胡杏兒,指對方「牛」性甚重,更讚不絕口:「佢好勤力、好顧家、好錫老公、好錫小朋友。佢都話辛苦,就真係好辛苦架喇。」二人在Mike主持的「閨密任務之問答環節」中,又齊齊回顧處女及處男大碟趣事;當中最搶鏡的是祖藍昔日靚仔樣,對此祖藍笑指自己當年「偽林峯」Image好難頂;杏兒對於祖藍當年比現在瘦足幾個碼,亦嘖嘖稱奇。

胡杏兒 黃浩然 當年我同林峯同一間唱片公司,我都好奇怪,佢哋整長咗我對腳,又磨咗我啲皮,真係當咗我係林峯咁Sell。」
當年我同林峯同一間唱片公司,我都好奇怪,佢哋整長咗我對腳,又磨咗我啲皮,真係當咗我係林峯咁Sell。」(圖片來源:TVB)

大爆被黃浩咀後即嘔

問到「最差一次接吻戲經驗」時,杏兒苦思良久後,想到08年拍《當狗愛上貓》時的經歷,當時黃浩然咀完胡杏兒後,胡杏兒唔知係個胃唔舒服定點,被錫完後即嘔,黃浩然自然嚇到半死,當時的幕後工作人員也取笑黃浩然錫嘔對方。

胡杏兒 黃浩然 黃浩然咀完胡杏兒,胡杏兒即嘔
黃浩然咀完胡杏兒,胡杏兒即嘔(圖片來源:TVB)

在「祖藍廚房」中大展廚藝,挑戰「Truth or Dare」

杏兒與祖藍在唱歌環節後轉戰廚房,杏兒煮碗仔翅,祖藍主攻咖哩魚蛋,祖藍對杏兒手勢讚口不絕,對此杏兒笑言有想過退休後賣碗仔翅,祖藍聞言即舉腳贊成。二人邊食邊玩「Truth or Dare」,並先後面對製作組設計的一連串刁鑽問題,例如「最驚收到邊個TVB藝人朋友嘅電話」,王祖藍隨即拖李思捷落水,令胡杏兒開懷大笑。

胡杏兒 黃浩然 祖藍拉「負評王」李思捷落水謂:「有冇討厭嘅人?李思捷嗰啲呢?」
祖藍拉「負評王」李思捷落水謂:「有冇討厭嘅人?李思捷嗰啲呢?」(圖片來源:TVB)

「偶像」是曾比特(Mike) 大仔聽歌聽到喊

胡杏兒 黃浩然
(圖片來源:TVB)

而在myTV Gold的加長版節目中,胡杏兒在製作組安排下以對戰形式與Mike合唱《現代愛情故事》,還額外獻唱了《千言萬語》,笑指大仔曾聽到落淚:「我老公好鍾意呢首歌,大仔一歲時我唱過呢首歌畀佢聽,我唱到佢流淚,好似好感動咁,唔知係咪我唱得難聽呢?哈哈!」

最不滿的劇集

胡杏兒 黃浩然
(圖片來源:《衝上雲霄》劇照)

胡杏兒談到自己最不滿意一套劇集時,直認「好多都唔滿意」:「我最唔滿意《衝上雲霄》,因為算係第一次戲份咁重,我嗰時真係唔知自己做緊乜,因為第一次覺得自己要有角色嘅鋪排,我覺得好迷惘同好驚,所以永遠回望番都覺得自己可以做得更好。」

睇睇胡杏兒講得有幾繪形繪聲!

撰文:東方新地圖片來源:無綫電視資料或影片來源:無綫電視

讀者留言