ft pic

舊五虎走剩馬明 吳卓羲林峯黃宗澤激罕合體

TVB小生荒越來越嚴重,羅嘉良同林文龍等都要回巢幫手。去年約滿無綫嘅吳卓羲近期主力北上拍劇,與好兄弟林峯、黃宗澤齊齊搵人仔!內地出得起錢,人工待遇一定好過TVB,但吳卓羲始終係TVB出身,又拍過咁多套劇,對娘家點都會有感情!日前音樂人鄧智偉生日,吳卓羲、林峯、黃宗澤一齊現身,昔日五虎只欠馬明同陳鍵鋒,好懷念呀!

延伸閱讀:

着姊弟裝 梁浸浸啜爆小陳真

賀宋熙年做人妻 姊妹團旅行鬥晒腿

鄧智偉40歲生日,曾經合作過嘅林峯、黃宗澤、吳卓羲俾足面出席,連苗僑偉戚美珍、金牌監製劉家豪梅小青夫婦都有到賀,星光熠熠拍得住樂易玲生日!

雖然係鄧智偉生日,但焦點當然係久未合體露面嘅吳卓羲、林峯、黃宗澤。當年TVB力捧「新五虎」接班,除咗佢哋三個,仲有陳鍵鋒同馬國明。對一班8、90後,新五虎絕對代表到嗰個年代嘅無綫,尤其係《衝上雲霄》、《大唐雙龍傳》、《律政新人王》等,肯定係集體回憶!

當年五虎走下一個走下又一個,如今得番馬國明繼續留守TVB,其實都幾唏噓!連吳卓羲早前都晌微博出po,話非常懷念五虎年代!

全文完